Блью Мүүн арт галерей нь урлагаар дамжуулж хүмүүсийн гоо сайханы таашаалыг хөгжүүлэх, шинэ залуу авьяслаг уран бүтээлчдийг дэмжих зорилгын хүрээнд “Тэнгэрийн бичээс” хэмээх үзэсгэлэнгээ хоёрдахь жилдээ зохион байгуулагдаж амжилттай нээгдлээ.
Үзэсгэлэнгийн нээлтийн үеэр Блью Мүүн арт галерейн удирдах зөвлөлөөс нэр дэшүүлсэн
- Ням-Очир “Хүрнэ бүтнэ”
- Л.Түвшинжаргал “Зүрх сэтгэл”
- С.Хөгжилбаяр “Буруу биш зөв сэтгэлтэй явбал бурхан биш хүн чамайг ална
Булзаж мэхлэж хорон санаатай явбал чинь буг биш хүн чамайг ална.
- Б.Алтантуяа “Хур бороо” бүтээлийг нэр дэвшүүлж нээлтэнд хүрэлцэн ирсэн нийт уран бүтээлч, урлаг сонирхогч нараас санал хурааж хамгийн олон хүний саналаар С.Хөгжилбаяр шилдэг бүтээлийн эзэн боллоо.
Мөн үзэсгэлэнгийн нээлтийн үеэр Блью Мүүн арт галерейгаас үндэснийхээ түүх, соёл уламжлалаа хадгалан үлдээх монголч сэтгэлгээг урлагаар дамжуулж урлагийн өндөр мэдрэмжийг үзэгчдэд хүргэх зорилгоор миниатюр зургийн олон улсын фестивалын 3-р байрын шагналт уран бүтээлч С.Хөгжилбаярыг урьж “ДЭЛХИЙН МОНГОЛ” гэдэг үгийг бичиж бүтээл төрөх агшинг харуулан дуудлага худалдаа зохион байгуулж уг бүтээлийг 550 000₮-өөс эхлэн дуудаж 1 399 000₮ хүрч зарагдлаа.
Уг үзэсгэлэнд манай улсын шилдэг уран бүтээлчдийн төлөөлөл болсон 20 гаруй мэргэжлийн уран бүтээлчдийн 30 гаруй бүтээлүүд дэлгэгдлээ.
Уран бүтээлч С.Хөгжилбаяртаа цаашдын уран бүтээлд нь өндөр амжилт хүсэе.
Та бүхний өмнө манай үүд хаалга үргэлж нээлттэй байх болно.
Уг үзэсгэлэн 2014 оны 03-р сарын 21-03.28-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу.
www.URLAG.mn
