Хаа холын хүсэл буюу далайн ёроолоос ирсэн захиа

Хонгил дундуур нисэх бараан шувуу
Хашаа ч юм одох миний гэгээн аялал
Хашаа ч юм одох миний гэгээн аялал
Хуучин балгадын шатаар өгсөж
Тоосонд дарагдсан номын тавиур дээр өвгөрөхөд
Элсэн дунд нүцгэрч үлдсэн үндэснээс
Хөгшин ирвэс энд хатаж үхсэн гэх сосдном
Элсэн дунд нүцгэрч үлдсэн үндэснээс
Хөгшин ирвэс энд хатаж үхсэн гэх сонсдоход
Олон жил цохыг нь нээгээгүй хуучин байшингийн хананаас
Ус урсах чимээг л хайнам
Ус л урсах чимээг хайхад
Олон жил цохыг нь нээгээгүй хуучин байшингийн энэ хананаас
Эцэг хүү хоёрын аминчхан яриа л дуулднам
Эцэг хүү хоёрын аминчхан яриа л дуулдахад
Улаахан алимыг хазахад ямархан чимээ гардыг
Дахин дахин дурснам
Улаахан алимыг хазахад ямархан чимээ гардыг
Дахин дахин дурсахад
Сэмэрсэн захидалын нууц
Далайн ёроол руу живнэм
Сэмэрсэн захидалын нууц
Далайн ёроол руу живэх нь
Хаашаа ч юм одох миний гэгээн аялал
Хашаа ч юм одох миний гэгээн аялал
Сэлуургүй завин дээр суугаад салхины аясаар хөвөн одоход
Сэрүүн зүүд минь төгсгөл болж
Сэтгэл минь зааны дүртэй болном
Сэрүүн зүүд минь төгсгөл болж
Сэтгэл минь зааны дүртэй болоход
Сэлүүргүй завин дээр суугаад
Салхины аясаар одох нь
Хаашаа ч юм одох миний гэгээн аялал

Г. Мөнхбаатар