К-поп хамтлаг болох “Stray Kids”-ийн гишүүн И Ноу төрсөн өдрөө тохиолдуулан 200 сая вон буюу 139,460 ам.долларыг хандивласан байна. “JYP Entertainment”-ийн мэдээлснээр, дуучин И Ноу бямба гараг /2025.10.25/-т Сөүл дэх “Samsung” эмнэлгийн төв болон муур хамгаалах “Nabiya” бүлэгт тус бүрт нь 100 сая вон хандивласан байна. “Samsung” эмнэлэг хандивыг хүнд өвчтэй насанд хүрсэн өвчтөн болон хүүхдүүдийг дэмжихэд ашиглах болно. Харин “Nabiya” бүлэг хаягдсан муурыг аврах, хамгаалах, асрах ажилд хандиваа ашиглах болжээ.
“Энэхүү онцгой өдөр шүтэн бишрэгчдийнхээ халуун дотно дэмжлэгийн ачаар би утга учиртайгаар баяраа тэмдэглэж, хуваалцаж чадлаа” гэж И Ноу өөрийн цахим хуудаснаа онцолсон байна. Мөн “Миний чин сэтгэл дэлхий дээрх бэрхшээлтэй тулгарч буй бүх үнэт амь нас, хүмүүст хүч чадал, тайтгарал авчирна гэж найдаж байна” гэжээ.
