Heeseung албан ёсоор “Enhypen” хамтлагаас гарч, хамтлаг цаашид зургаан гишүүний бүрэлдэхүүнтэй үйл ажиллагаагаа үргэлжлүүлэхээр болжээ.
Heeseung нь “I-Land” шоуны финалд тавдугаар байр эзэлсний дараа “Enhypen” хамтлагийн гишүүнээр дебют хийсэн. Тэрээр мөн тус шоунаас өмнө “Big Hit Entertainment”-ийн дадлагажигчаар гурав гаруй жил бэлтгэгдэж байв.
“Belift Lab” агентлаг мэдэгдэлдээ Heeseung хамтлагаас гарч байгааг баталсан байна.
Мэдэгдэлд:
Сайн байна уу, “Belift Lab” байна.
Юуны өмнө “Enhypen” хамтлагийг үргэлж дэмждэг Engene фэнүүддээ талархал илэрхийлж, хамтлагийн цаашдын үйл ажиллагааны талаар мэдээлэл хүргэж байна.
“Belift Lab” нь “Enhypen”-ийн ирээдүйн чиглэл, зорилгын талаар нухацтай бодож, олон талаас нь хэлэлцсэн. Мөн гишүүн бүртэй ирээдүйд ямар уран бүтээл хийхийг хүсэж байгаа болон хамтлагийн чиг хандлагын талаар нухацтай ярилцсан.
Heeseung өөрийн гэсэн хөгжмийн алсын хараатай байгаа тул бид түүний шийдвэрийг хүндэтгэхээр болсон.
Иймд Heeseung “Enhypen” хамтлагаас гарч, хамтлаг цаашид зургаан гишүүнтэйгээр албан ёсны үйл ажиллагаагаа үргэлжлүүлэхээр боллоо.
“Enhypen” хамтлаг фэнүүддээ эрч хүчтэй уран бүтээлүүдээ үргэлжлүүлэн хүргэх болно. Харин Heeseung “Belift Lab”-ийн уран бүтээлчийн хувиар соло цомог бэлтгэж эхэлнэ.
“Enhypen” болон Heeseung нар шинэ замналаа эхлүүлж байгаа энэ үед Engene фэнүүдээс хайр, дэмжлэгийг хүсье. гэжээ.
