Өмнөд Солонгосын нийслэл Сөүл хотод 8-12 насныханд зориулсан түүхийн анхны музей нээлтээ хийлээ. Тус музей нь Сөүлийн түүхийн музейн байранд байрлана. Музейн албан ёсны нээлт Баасан гаригт /2026.03.27/ болсон бөгөөд үүнээс өмнө арванхоёр, нэгдүгээр саруудад гурван удаа туршилтын журмаар үйлчлүүлэгч хүлээн авч үзжээ.
Тус музей нь дотроо хотын түүх, соёлтой танилцах зургаан хэсэгтэй.
Хамгийн гол хэсэг нь “Ханьяны адал явдал эхэллээ” гэсэн хэсэг. Энэ хэсэгт Чусон гүрний үе буюу 1392-1910 онд хамаарах Ханьян хотыг харуулна. Ханьян нь одоогийн Сөүл хотыг хэлэх юм. Хүүхдүүд энэ хэсэгт зочилсноор яг л Ханьяны үед очсон мэт зах, эмнэлэг, цэргийн байгууламжууд, номын дэлгүүр, сургууль зэрэг газрууд нь ямар байсныг үзэж сонирхоно.
“Ханьяны адал явдал эхэллээ” хөтөлбөрийн хүрээнд үйлчлүүлэгч хүүхдүүд долоо хоногийн Мягмар гаригаас Баасан гаригт, өдөр бүр дөрвөн удаа Чусоны үеэр аялах боломжтой.
