HBO кино компанийн бүтээл “Euphoria” телевизийн цувралын шинэ анги орон нутгийн цагаар энэ сарын 12-ны ням гарагаас олны хүртээл болно.
2019 онд анх үзэгчдэд хүрч байсан тус цуврал IMDb сайтад 8.2 үнэлгээтэй юм. Өдгөө холливүүдийн А зэрэглэлийн жүжигчин болсон Зендая, Сидни Суини зэрэг олон алдартнуудын дүр бүтээсэн уг цувралд өсвөр насныхны хайр дурлал, алдаа оноо, зөрчлийг харуулдаг.
Тэгвэл өнөөдөр /2026.04.08/ Лос-Анжелес хотод тус цувралын гуравдугаар улирлын нээлт боллоо. Энэ ангийн дараа шинэ бүлэг хийхгүй гэдгээ кино компанийн зүгээс зарлаад буй.
Зендая өөрийг нь алдрын оргилд хүргэсэн бүтээлийнхээ нээлтэд сүүлийн үед нэрд гараад байгаа загвар зохион бүтээгч Мохаммед Ашигийн урласан хар даашинзаар гоёсон бол Сидни Суини итали гаралтай франц урлаач агсан Пьер Кардены бүтээл цагаан даашинз өмссөн байна.
