Өнгөрөгч дөрөвдүгээр сарын 16-19-ний өдрүүдэд БНХАУ-ын Чиндао хотод зохион байгуулагдсан Хятадын нохой судлалын холбооны “Гуо шоу-2026” олон улсын нохойн үзэсгэлэнд Монголын уугуул үүлдэр болох банхар нохой оролцож, үзэгчдийн анхаарлыг татлаа.
Тус банхар нохойн эзнээр Хятадын жүжигчин Хо Сыянь, харин нохойг тайзан дээр хөтлөн үзүүлсэн дасгалжуулагчаар Вэнь Синь ажилласан байна. Олон улсын стандартаар явагдсан уг үзэсгэлэнд дэлхийн олон орны шилдэг үүлдрийн ноход өрсөлдсөн бөгөөд Монгол банхар нохой биеийн хөгжил, тэсвэр хатуужлаараа онцгойрон харагджээ.
