АНУ-ын репперТупак Шакур эсэн мэнд байсан бол өнөөдөр 55 нас хүрэх байлаа. Хэдийгээр тэрбээр 25-хан насалсан ч түүхэн дэх хамгийн шилдэг хип хоп уран бүтээлчдийн нэг болж чадсан юм.
Тупак Шакур нь 1971 оны зургаадугаар сарын 16 нд төржээ. Тэрбээр нийтдээ 75 сая цомог зарсанаар дэлхийн хамгийн их цомог зарсан хүмүүсийн нэг болсон юм. Түүнчлэн мөн улс төрийн идвэхтэн , кино жүжигчэн гэх мэт олон янзийн мэрэгжил сонирхолтой байжээ. Пакын ихэнх дуу нь хүчирхийлэл, нийгэм, ядуусын хороолол, арьс өнгөөр ялгаварлан гадуурхах үзлийн эсрэг байсан юм.
Түүний эцэг эх нь хоёулаа “Black Panther Party” гэх харуудын улс төрийн бүлэглэлийн гишүүн байсан. 2pac бага насаа Бронкс дүүрэгт өнгөрүүлжээ. 1988 онд өсвөр насандаа MC NewYork гэх нэрээр дуулж эхлэн, улмаар 1990 онд “Digital Underground”-ын нэгэн гишүүн болон “Same Song” гэх дуугаар уран бүтээлийнхээ эхлэлийг тавьжээ.
Дараагаар нь 2Pac гэх нэрээрээ “2Pacalypse Now” гэх анхны бие даасан уран бүтээлээ туурвисан байна. Мөн 1992 онд харуудын амьдралыг харуулсан “Juice” хэмээх кинонд тоглож, жүжигчний гараагаа эхэлжээ.
Удалгүй алдарт “Thug Life”-ийг байгуулж, тус хамтлагт Mopreme Shaku, Big Syke зэрэг артистууд байсан ба “Thug Life” нэртэй цомог гаргажээ.
1994 онд Тупакаас нэгэн сэтгүүлч “15 жилийн дараа та юу хийж байх бол” гэж асуухад тэр “Оршуулгын газар л хэвтэж байх болов уу. Муугаар бодоход намайг чандарлаад найзууд минь чандрыг минь татах байх” гэж хариулж байсан юм.
1996 оны есдүгээр сард Лас-Вегаст Шакур машиндаа буудуулж, амиа алдсан. Крис Кэрролл хэмээх цагдаа түүнийг амьсгал хураахаас нь өмнө хэнд буудуулснаа хэл гэхэд Тупак дунд хуруугаа гозойлгосон гэдэг.
Тупак Шакур алагдах үедээ “All Eyez on Me” нэртэй дөрөв дэх соло цомгоо гаргаад байсан нь нийтдээ таван сая хувь борлогдсон юм. Түүнийг нас барсаны дараа “Makaveli” гэх нэрээр нь “The Don Killuminati: The 7 Day Theory” цомог нь худалдаанд гарчээ.
“Грэмми”-ийн шагналд зургаан удаа нэр дэвшиж байсан тэрбээр өнөөдрийг хүртэл бүх цаг үеийн хамгийн нөлөө бүхий рэп уран бүтээлчдийн нэгд тооцогдсоор байна.
