Улсын дуурь, бүжгийн эрдмийн театрын уран бүтээлчид, Төрийн шагналт хөгжмийн зохиолч Х.Билэгжаргалын мэндэлсний 60 жилийн ойн хүрээнд түүний алдарт бүтээл болох "Ламбугайн нулимс" дуурийг өнгөрсөн бямба гаригт тоглолоо.
Гурван бүлэг, зургаан явдалт уг дуурийг Монголын тайзнаа анх 1986 оны тавдугаар сарын 10-нд тоглож байсан түүхтэй. Дуурийн найруулагчаар УГЗ Л.Эрдэнэбулган, зураачаар Б.Төмөрхуяг, удирдаачаар УГЗ Ж.Бүрэнбэх, туслах найруулагчаар СТА Е.Сарантуяа нар ажиллаа.
