Алдарт жүжигчин Линдсей Лохан дуулиант амьдралаа орхиж, цоо шинээр амьдрахаар шийджээ. Тэрбээр үүнд хүүхэд л тус болно гэж үзсэн байна.
Тэгвэл папарацциуд саяхан түүнийг Лос-Анжелесийн нисэх онгоцны буудалд явж байхад нь зургийг нь авч, бие давхар болсныг нь анзаараад үнэхээр гайхжээ.
Лохан урьдын адил гоолиг хэрнээ гэдсээрээ илт цондойжээ. Гэсэн ч тэрбээр биеийн энэхүү өөрчлөлтөө өргөн хувцсаар далдалсангүй, харин ч бариу футболк өмссөн байна. Эндээс харахад жүжигчин бүсгүй жин нэмээгүй бөгөөд удахгүй сайхан мэдээг албан ёсоор дуулгахаар зэхэж буй бололтой.
Линдсей өнгөрсөн онд ээж болохыг хүсч буй талаараа нэг бус удаа ярьсан юм. Түүний хувьд нөхөртэй байх эсэх нь чухал биш, хүүхэд л байвал бүрэн бүтэн гэр бүл гэж үзэж байсан. Тиймээс тэрбээр нөхөргүйгээр хүүхэд гаргаж, өсгөхөөр шийдсэн ч байж болох юм.
