Латин бүжгийн ДАШТ Австри улсын Вена хотод амжилттай зохион байгуулагдаж өндөрллөө. Тус тэмцээнд Монгол улсаа төлөөлөн #MOONDANCE бүжгийн хамтлаг оролцсон билээ.
Тэмцээний эхний шатанд /12-сарын 12-нд/ 12-дугаарыг сугалан үзүүлбэрээ үзүүлэн Шилдэг 12 багийн нэгээр шалгаран хагас финалд үлдсэн юм. Ийнхүү хагас финалд дахин өрсөлдөж нийт авах ёстой 40-н онооноос 32оноо аван 7-р байр эзэлж Монгол улсынхаа рекорд амжилтыг урагшлуулсан төдийгүй маш өндөр амжилттай оролцсон юм.
"Мoon dance" хамтлагийн өмнө Орос, Герман, Австри гэсэн 3-н улсын тус тус 2 баг орсон ба Монгол улс 4-т эрэмблэгдсэн, цаашид медалийн төлөө өрсөлдөх бүрэн боломжтой гэдгийг илтгэсэн үнэхээр сайхан тэмцээн болж өндөрллөө.
Тэд хэлэхдээ: Та бүгдийн тусламж дэмжлэг,бид бүхний бүтэн жилийн хичээл зүтгэл, бэлтгэл сургуулилт, цаг хугацаа нийлэн байж Дэлхийн аваргын паркетан дээр Монгол гэж дуудуулан гарах 6 минут болж хувирдаг юм шүү.Энэ нь та болон бид бүгдийн Эх орондоо оруулж буй маш том хөрөнгө оруулалт юм шүү. Баярлалаа
Одоо бид тэмцээнээ дуусгаад аялалынхаа маршрутандаа ороод Шевцарь, Итали улсыг зорих гэж байна хэмээжээ.
www.Urlag.mn
