Хөгшрөлт хүнийг мохоодог гэж хэн хэлээ вэ? Японы 93 настай Эмико эмгэн өөрийн ач охин Мори Чинамигийн урласан залуусын загварлаг хувцсыг өмсөж толилуулдаг байна. Мори бүсгүй гараараа хувцас нэхдэг бөгөөд Саори гэдэг техникээр бүтээлээ туурвидаг аж. Харин эмээ нь ач охиныхоо урланд ихэнх цагийг өнгөрүүлдэг бөгөөд шинэ бүтээлүүдийг нь өмсөж толилуулдаг гэнэ.
“Надад баригдах хэв загвар гэж байхгүй. Би юу хүссэнээ урладаг. Харин эмээ маань гайхалтай загвар өмсөгч шүү. Би түүнд ийм их баяр баясал өгч байгаадаа аз жаргалтай сууна” хэмээн Мори тайлбарлав. Эмико эмгэний гэрэл зургийг үзээд инээхгүй байхын аргагүй юм. Энэ эмгэн маш их баяр баясал, эрч хүчийг ялгаруулдаг аж. Ач охин нь түүний зургийг дуртай нь аргагүй авч, Инстаграм дээр тавьдаг гэнэ. Шинэ зураг авалт болгон үй олон сэтгэгдэл дагуулдаг байна.
Эх сурвалж www.wikimon.mn