Мөсөөр урлгийн бүтээл хийнэ гэдэг чамгүй авъяас шаардсан зүйл. Мөсөөр сийлбэр хийх өдгөө дэлхий дахинаа урлаг болон хөгжсөөр байгаа юм. Тэгвэл өнгөрөгч 12 дугаар сард Хятад улсад зохион байгуулагдсан олон улсын мөсөн сийлбэрийн тэмцээнд манай улсын баг тамирчид эхний гурван байрыг эзэлж бахдам амжилтыг гаргалаа. Тэмцээнд нийт зургаан орны 15 багийн 45 уран бүтээлч оролцсон байна. Эх орныхоо нэрийг мандуулж яваа тамирчиддаа баяр хүргээд илүү их амжилт гаргахыг хүсэн ерөөе.
Манай улсаас 12 уран сийлбэрч явсан бөгөөд
1-р байранд Д.Цэрэнбат, Б.Доржнамжил, Х.Хатанбаатар нарын “Ээж” бүтээл ,
2-р байранд Д.Мөнхтуул, А.Цэнд-Очир, Б.Отгонжаргал нарын “Салхи” бүтээл,
3-р байранд Д.Ганхөлөг, Ж.Бэхжаргал, Э.Баттөр нарын “Тэмцэл” бүтээл тус тус орж тусгай байранд Италийн уран бүтээлчид шалгарчээ.
