Зургийн тайлбар: Кети Мичелийн охиноо тээж байсан өсвөр насны зураг
Кэти Мичел танд амин чухал нэг зүйлийг анхааруулж байна. Энэ бол бахархах зүйл биш, та даган дуурайх ч хэрэггүй. Гэхдээ үнэн юм. Өсвөр насны охин байхдаа Кэти архи хэрэглэдэг байсан бөгөөд Карли охиноо тээж байхдаа ч уусаар байжээ. Залуу бүсгүйн энэ хорт зуршил хоёр эмэгтэйн амьдралыг насан туршид нь баллаж дөнгөжээ. Кэти Мичелийн охин Карли энэ жил 43 настай ээж, хойд аавтайгаа хамт амьдардаг. Харамсалтай нь 43 настай энэ эмэгтэй нэгдүгээр ангийн хүүхэд шиг сэтгэдэг байна. Карли хүүхэлдэйгээр тоглож, цүнх цуглууж, Hello Kitty-ийн зурагтай, наадаг номоор тоглох дуртай. Карли эхийнхээ хэвлийд спиртээр тэжээгдсэн тул төрөлхийн спиртийн синдромтой болжээ. Хижээл насны хатагтай байх насандаа Карли бүтэн ухамсаргүй, өөрийгөө авч явах, бие даах чадваргүй нэгэн болжээ. Хүмүүсийн харилцааг ойлгохгүй, юу аюултай вэ гэдгийг ч ялгаж чадахгүй. Нэг удаад нэг дүрэм л дагадаг бөгөөд ямар үр дагавар урган гарахыг мэддэггүй байна. Явган хүний гэрэл дохиогоор зам гарна гэдгийг ойлгодог ч гэрэл унтарсан үед ч машины урдуур алхсаар байдаг. Гоё хувцас өмсөх дуртай ч шүдээ яаж угаахыг тогтоодоггүй байна. Кэти “Бяцхан охиндоо үнэхээр хайртай, тэр ямар ч гэм буруугүй хүүхэд. Би хэрэв архи миний амьдралд байгаагүй бол ямар байх байсан бол гэж өөрөөсөө өдөр бүр асуудаг” гээд, энэ тухай бусдад сургамж болгохыг хүссэн байна.
Зургийн тайлбар: Карли Шрайдер 43 настай, гэхдээ нэгдүгээр ангийн хүүхэд шиг сэтгэдэг. Карлигийн ээж жирэмсэн байхдаа ямар хор хохирол учирахыг нь мэдээгүй учраас согтууруулах ундаа хэрэглэдэг байжээ.
Эх сурвалж: Hiub.mn
