Нийтээр тэмдэглэх баярын болон тэмдэглэлт өдрүүдийн тухай хуулийн дагуу Цагаан сарын шинийн 1-3 буюу энэ сарын 9-11-нд бүх нийтээр амарна. Харин сар шинийн битүүний өдөр буюу хоёрдугаар сарын 8-ны даваа гариг, шинийн 4-ний өдөр буюу хоёрдугаар сарын 12-ны баасан гаригт ажиллах юм байна. Зарим сайтаар УИХ-ын чуулганы хуралдаанаар Цагаан сараар долоо хоног амрах тухай саналыг баталсан гэх мэдээллийг цацсан. Тэгвэл УИХ-ын чуулганаар энэ тухай асуудлыг огт хэлэлцэж, батлаагүй бөгөөд сар шинийн баярын өдрүүдэд долоо хоног амрахгүй гэдгийг албан ёсоор мэдэгдлээ.
