Нийтийн дууны урлагт өөрийн гэсэн өнгө төрхийг тодорхойлж "Хайрын тэнгэр диваажин", "Хөөрхөн", "Баясгалантай сайхан", "Ижий зөн", "Нандин", "Газрын жигүүр" зэрэг олон сайхан дуугаараа монгол түмнээ хүндлэгдсэн дуучин бол МУСТА А.Түмэн-Өлзий юм. Тэрээр 2013 онд "Баясгалантай сайхан" өөрийн бие даасан тоглолтоо хийсэн бол өнгөрсөн аравдугаар сард МУСТА Л.Сөрөлттэй хамтран "Хайрын тэнгэр диваажин" тоглолтоо маш амжилттай зохион байгуулсан билээ.
Тэгвэл эрхэм дуучин бүсгүй маань тун удахгүй болох олон улсын эмэгтэйчүүдийн баярыг тохиолдуулан монголын бүх сайхан ээжүүддээ "Хатан гоо ээжүүддээ" тоглолтоороо бэлэг барих болсноо дуулгалаа. Энэ удаагийн тоглолт үзэгчдэд илүү нээлттэй чөлөөтэй болохоороо бусад тоглолтноос ялгарч байгаа юм. "Хатан гоо ээжүүддээ" тоглолтонд хүрэлцэн ирсэн үзэгчид улаан хивсний ёслолд оролцох бөгөөд угталтын халуун виногоор дайлуулах гэнэ. Мөн та хайртай хүмүүсдээ сэтгэлийн үгээ хэлж, бэлдэж ирсэн бэлгээ тайзан дээрээс гардуулах боломжтой юм. Тоглолт 400 хүнд л зориулагдан тоглож байгаа учир тоглолтын тасалбар нилээдгүй эрэлт ихтэй байгаа гэнэ.
Тоглолт гуравдугаар сарын 8-ны өдөр Улаанбаатар ресторанд 18:00 цагаас ганцхан удаа болно. Ийнхүү хайр хүндэтгэлийн илэрхийлэл хамгаас нандин хайртай ээжүүддээ "Хатан гоо ээжүүддээ" тоглолтын тасалбарыг амжиж захиалан бэлэг бариарай. Тасалбарыг 1900-1950 утас үнэгүй хүргэнэ.
Илүү дэлгэрэнгүй мэдээллийг: 88664403 утаснаас авах боломжтой.
www.Urlag.mn
