Дэлхийн миссийн тэмцээнээс чансаагаараа тавдугаарт бичигддэг олон улсын сайхан бүсгүй шалгаруулах "Face of beauty international 2016" тэмцээн манай улсад ирэх есдүгээр сард зохиогдохоор боллоо. Тэмцээнд Монгол улсыг төлөөлөн оролцох миссийг телевизийн шоу нэвтрүүлэг явуулж, үзэгчдийн нээлттэй санал асуулгаар тодруулах аж.
"Face of beauty internetional 2016" тэмцээнд 60 орны мисс оролцох бөгөөд одоогийн байдлаар хоёр орны миссийн нэр тодорхой болсон байна. Үүнд Мексикийн миссийн тэмцээний тэргүүн байрын шагналыг хүртсэн Андреа Саенз өөрийн орныг төлөөлөх бөгөөд Унгарын мисс Ники Рудольф мөн тэмцээний титмийн төлөө өрсөлдөх болжээ.
Тэмцээний ёслолын ажиллагааг Мексикийн төв телевиз 10 гаруй улсад Монгол улсаас шууд дамжуулахаар болжээ.