Түүний ухаан сэтгэл хөдлөлийг нь давсан аж. Тэрбээр хүүгээ экс нөхөртэйгээ булаацалдахгүй байхаар шийджээ. Дуучин Мадонна өөрийн хүү Роккод сэтгэлийн шарх үүсгэхгүйн тулд экс нөхөр Гай Ричитэйгээ шүүхдэлцэхээ болихоор шийдсэн байна.
Дуучин эмэгтэйг төлөөлж буй өмгөөлөгч түүний 57 настай үйлчлүүлэгч шүүхэд гаргасан нэхэмжлэлээ татаж авах хүсэлтэй байгааг мэдэгджээ.
Өмгөөлөгч нь “Өдгөө Мадонна ямар нэгэн аргаар эвлэрэх бодолтой байгаа. Сөргөлдөж буй талууд нэг ширээний ард суугаад учраа олох ёстой. Тэрбээр Роккотой учраа олж, Гай Ричитэй эвлэрэхийг хүсэж байгаа” гэж хэлсэн аж.
Эх сурвалж www.wikimon.mn
