Үндэсний баяр наадамд зориулсан соёл урлагийн арга хэмжээний хүрээнд 7 дугаар сарын 13-ны үдэш морин хуурын фестиваль эгшиглэлээ.
Дэлхийн хүн төрөлхтний соёлын өвийн дээжист бүртгэгдсэн Монгол түмний гайхамшигт Морин хуур хөгжмийн яруу тансагийг илтгэх фестивалийг Их эзэн Чингис хааны нэрэмжит талбайд зохион байгуулсан юм. Энэхүү фестивальд Үндэсний их найрал, ардын урлагийн хамтлагууд, Морин хуурын мастеруудаас гадна морин хуур хөгжмийг сонирхогч гадаад уран бүтээлчид оролцлоо.