“Дэлхийн мисс-2016” тэмцээн энэ жил АНУ-ын Вашингтон хотноо энэ сарын 29-нөөс 12 дугаар сарын 18-нд болно. Энэ удаагийн тэмцээнд манай улсаас “Торго модель” агентлагийн загвар өмсөгч, мисс А.Баярцэцэг оролцохоор болсон бөгөөд дэлхийн гоо үзэсгэлэнгийн тайзнаа Монгол Улсыг төлөөлөх 12 дахь гоо бүсгүй юм.
А.Баяцэцэгийн хувьд Англи, Франц, Испани хэлтэй НҮБ-ын индэр дээр илтгэл тавьж байсан гээд миссүүдийн дунд нэлээд “толгойтой” нэгэн гэгддэг юм билээ. Тэрбээр өнгөрсөн жил Австрийн нийслэл Вена хотноо болсон “Miss Earth-2015” тэмцээнд эх орноо төлөөлөн оролцож, шилдэг 16-д шалгарч байв. Мөн АНУ-д жүжигчний мэргэжлээр ажиллах хугацаандаа “Марка Поло” киноны хоёрдугаар ангийн туслах дүрд тогложээ.Түүнчлэн ирэх онд нээлтээ хийх Юан гүрний үед амьдарч байсан Хотол Цагаан Сарангэрэлт гүнжийн тухай өгүүлэх “Хотлун гүнж” уран сайхны түүхэн кинонд гүнжийн дүр бүтээхээр сонгогдсон аж.
Ингээд түүний видео танилцуулгыг хүргэж байна.
