Авьяаслаг Монголчууд шоуны шилдэг 32 оролцогчийн нэг М.Дүгэрсүрэнг шөвгийн наймаас хасагдсанаас хойш дэмжих хүмүүсийн тоо эрс нэмэгдлээ. Тухайлбал дуучин Д.Жавхаасайхан түүнтэй хамтарч уран бүтээл гаргахаар болсон бол түүнийг дэмжигчдийн групп хүртэл сошиал орчинд нээгджээ.
Монгол өв соёлоо хадгалж яваа түүний урмыг дэмжих үйл ажиллагаа үүгээр дуусахгүй бололтой. Жишээлбэл уртын дуучин М.Дүгэрсүрэнг Монголын баг сумдын үндэсний холбооны Ерөнхийлөгч, УИХ-ын гишүүн асан Г.Батхүү хүлээн авч уулзан, холбооны дээд шагнал “Монгол Улсын Манлай” хоёрдугаар зэргийн одонгоор шагналаа.
Энэхүү шагналыг үндэсний уламжлалаа түгээн дэлгэрүүлж, ёс заншилаа дээдлэн, баялаг бүтээж, яваа манлайлагч нарт олгодог уламжлалтай аж.
Д.Тамир
Эх сурвалж: Zindaa.mn
