МУГЖ Т.Ариунаа саяхан "Домгийн өглөө” хэмээх богино хэмжээний мюзикл кино клипнийхээ Саянгоо хэмээх хатны дүрийг бүтээж, өөрөө ерөнхий продюсероор нь ажилласан.
Мөн энэхүү бүтээлийг хийхэд 200 гаруй хүн оролцсон бөгөөд сар гаруй хугацаанд зураг авалт нь үргэлжилсэн аж. Харин гавьяат маань "Домгийн өглөө”-гийн зардлыг 40 сая гэж тодорхойлсон ч, түүний нөхөр "Ноёд” группийн ерөнхийлөгч Р.Буяндорж нь хармаанаасаа 100 саяас багагүй төгрөг зарцуулсан гэдгээ бизнесийн хүрээний найз нөхөддөө гайхуулаад авсан гэнэ. Р.Буяндорж эрхэмийн хувьд эхнэртээ мөнгийг хэрхэн зарцуулж PR хийхээ мэддэг нэгэн.
Тиймдээ ч аавын хаалга татах дээрээ тулаад байгаа олон тэрбумын асуудлаа эхнэрийнхээ нэр нүүрээр хамгаалсаар ирсэн болохоор ингэх нь ч аргагүй биз. Харин түүний эхнэр Т.Ариунаагийн "Домгийн өглөө” богино хэмжээний мюзикль кино клип нь түүхэн сэдвээр бүтээсэн дэлгэцийн бүтээл юм.
