Жил бүр уламжлал болон зохион байгуулагддаг амьд хөгжим сонирхогч залуусын “Coke’n beat 2012” наадам энэ жилийн шилдэгээ шалгарууллаа.
“River beach”-т болж өнгөрсөн финалын тэмцээнд “UFO” хамтлаг гран-при хүртэж, иж бүрэн хөгжмийн зэмсгээр шагнуулснаас гадна ирэх арваннэгдүгээр сард Сингапурт болох “Asian Beat” наадамд Монгол Улсаа төлөөлөн оролцох эрхийн эзэд боллоо.
Зохион байгуулагчдын зүгээс “Хайрласаар”, “Хүлээсээр” зэрэг дуугаараа олны танил болсон “UFO” хамтлагт итгэл найдвар тавьж энэ жилийн “Asian Beat” наадамд өмнөх жилийг амжилтыг ахиулна гэдэгт итгэлтэй байгаа аж.
Дашрамд дуулгахад, “Coke’n beat- 2007” наадамд “Булсара”, “Coke’n beat-2008”-д “Зүгээр л”, “Coke’n beat-2009”-д “The Lemons”, “Coke’n beat-2010”-д “L-Guards”, “Coke’n beat- 2011” наадамд “The Compass” зэрэг хамтлаг тус тус шалгарч байсан юм.
Б.Ширнэн
