Попын хатан хаан Мадоннагийн дэлхийг тойрон аялах ес дэхь удаагийн тоглолт Лондонд үргэлжилж байна. Өчигдөр Лондонгийн Хайд Паркт дахь тоглолтын үер нилээд таагүй явдлууд тохиолджээ.
Тэрээр өөрийн сүүлийн цомог “MDNA”-гээс гадна хуучны дуунуудаа дуулсан, мөн дуугаралт маш муу, гадаа бороо орсон, 10:30 цаг гэхэд тоглолт тарсан байх ёстойгоос болж гэгээтэйд эхэлсэн гээд фенүүдийг нь бухимдуулах зүйл олон байснаас хэдэн зуун үзэгч тоглолтыг орхин явсан байна.
Тоглолтын хөтөлбөр дунд тайчих үзүүлбэр оруулсан нь ч байдлыг аварсангүй. Нэг үзэгч “Хэрвээ Мадонна 50 насандаа тайчиж үзүүлж байгаа бол, түүний карьер Myspace хуудастай адил мөхнө л гэсэн үг” хэмээн бухимджээ.
Тоглолтын зөвхөн үзүүлбэр муу байгаад зогсохгүй менежмент ч муу байсан байна. Дөрвөн жилийн дараа анх удаа Их Британид тоглож байгаа Мадонна тоглолтын тасалбараа 77 паундаар үнэлсэн нь борлогдож дуусаагүй юм.
Кайли Миноуг, Жорж Майкл, Кейт Мосс, Наоми Кемпбелл болон U2 хамтлагийн Адам Клейтон нарын одод тоглолтыг үзэж сонирхсон байна.
Ц.Мишээл
