Лондонгийн олимпийн наадмын өмнө сэргээшийн хяналтыг давж чадаагүй 107 тамирчныг урьдчилан шалгаруулах тэмцээнд оруулахаас татгалзан тухай өчигдөр АП агентлаг мэдээлсэн байна.
Дэлхийн сэргээштэй тэмцэх агентлагийн тэргүүн Жон Фейхи Олон улсын олимпийн хорооны хуралдаан дээр сэргээшийг илрүүлсэн баримтуудаа дэлгэлээ. Хяналтын шалгагчдыг хууран мэхлэх ямар ч боломжгүйг сэргээш хэрэглэдэг тамирчид мэдэх ёстой гэж Фейхи онцлон анхааруулсан байна.
Олон улсын спортын холбоод болон Лондонгийн Олимпийн наадмын зохион байгуулагчид зөрчилтэй тамирчдыг илрүүлэх ажиллагаанд хамтран оролцжээ.
Одоогоор ямар улсын тамирчдыг тэмцээнээс хассан тухай албан ёсоор мэдээлээгүй байна.
М.Мишээл
