Дуучин Д.Болдын “В” продакшнаар овоглож байсан өвөрмөц хоолойгоороо үргэлж ялгарч чаддаг дуучин бүсгүйчүүд бол Маралжингоо, Эгшиглэн нар юм. Тэд өөрийн чадалтай хоолой, стиль имижээ бүрдүүлж рок попын ертөнцөд орж ирээд удаж байгаа. Тэдний дуулсан дуу болгон хит болдог гэхэд буруу болохгүй болов уу. Тэгвэл энэ удаа Facebook сонгуулиар тэднийг “Хэн нь илүү хоолойтой вэ?” гэсэн асуултын дор өрсөлдүүлсэн юм. Энэхүү өрсөлдөөнд дуучин Маралжингоо 72 хувийн саналаар чадалтай, сайхан хоолойтой гэдгээ баталлаа. Түүний донжтой стиль, өвөрмөц хоолой фэйсбүүкчдэд Эгшиглэнгээс илүү таалагддаг бололтой. Харин дуучин Эгшиглэн 28 хувийн санал авсан бөгөөд урлагийнхан дундаа хөөрхөнд тооцогддог дуучин бүсгүй маань Маралжингоог арай л барсангүй.
Монголын анхны “Facebook” сонгуулийг “Монгол Freezone” Facebook Page, Zindaa.mn сайтын дэд сайт Freezone.zindaa.mn хамтран зохион байгуулж байгаа билээ.
