Өдгөө 55 настай, Холливудын жүжигчин Итан Хоук “People” сэтгүүлийн “People in 10” ярилцлагад оролцох үеэрээ олон нийтийн өмнө ажилладаг хүмүүс хүн бүрийн таашаалд нийцэх боломжгүй гэдгийг онцолсон байна. Тэрбээр “Хэрэв та олон нийтийн өмнө байх гэж байгаа бол өөрийн байр суурьтай байх хэрэгтэй. Та бүх хүнийг үргэлж сэтгэл хангалуун байлгаж чадахгүй. Кино болгон хүн бүрт зориулагдаагүй” гэжээ.
Хоук өөрийн тоглосон зарим киноны талаар үзэгчдээс тэс өөр үнэлгээ авч байсан тухайгаа мөн хуваалцжээ. Зарим хүн нэг киног нь зургаан удаа үзэж, бусдад санал болгодог байхад өөр нэг хүн тухайн киног “аймшигтай” гэж үзээд дундаас нь унтраасан тохиолдол байсан гэнэ. Гэхдээ Хоук ийм өөр байр суурийн аль нэгийг нь зөв, нөгөөг нь буруу гэж үздэггүй байна.
Жүжигчин Итан Хоук хамгийн сүүлд найруулагч Падрейк МакКинлигийн “The Weight” кинонд Сэмюэл Мёрфи хэмээх дүрийг бүтээсэн. Хоук уг киног үзэгчид хэрхэн хүлээж авах бол гэдэгт огт санаа зовохгүй байгаа аж. Учир нь тэрбээр кинондоо итгэлтэй байгаа гэнэ. “The Weight” кино одоогоор кинотеатруудаар гарч буй.
