Маргааш шинэчлэгдэх “Биллбоард”-ын жагсаалтыг реппер Рик Россын “God Forgives, I don’t” цомог тэргүүлэхээр болжээ. Энэ нь “Биллбоард”-ыг тэргүүлсэн түүний дөрөв дэх цомог болж буй бөгөөд 218 мянган хувь зарагдаж буй аж. Харин каунтри стилиэр дуулдаг “Zac Brown band” хамтлагийн “Uncaged” дуу хоёрдугаарт жагсав. Уг цомог энэ жил нийт дөрвөн долоо хоног дараалан эхний хоёр байрт жагсаж буй нь Аделийн “21” (22 долоо хоног) цомгийн дараа орох үзүүлэлт юм. Жастин Биберийн “Belive” гурван байр урагшилж, гуравдугаарт жагссан бол “One Direction” хамтлагийн “Up all night” мөн гурваар ахиж, дөрөвдүгээрт бичигдэж эхэллээ. Энэ долоо хоногийн хамгийн том үсрэлтийг “Bee Gees”-ийн “Number ones” хийсэн бөгөөд 32000 хувь зарагдаж, айргийн тавд дахин багтлаа. Мөн Аделийн 21 цомог наймдугаарт, “Maroon 5”-ийн “Overexposed” есдүгээрт бичигдэв.
Харин цахим худалдаагаар хамгийн олон хувь татагдсан дуугаар “Америкийн шүтээн” шоуны ялагч Филипп Филиппсийн “Home” дуу тодорлоо. Энэ дуу өнгөрсөн долоо хоногт 47 дугаарт жагсаж байсан бол том үсрэлт хийж, нэгдүгээрт бичигдсэн нь энэ. Лондон 2012 зуны олимпийн ХХХ наадам оролцож буй Америкийн шигшээ багийнханд зориулсан дуу учраас олимпийн ид үед ийнхүү эрэлттэй байж, 228 мянган удаа татагджээ. Фло Ридагийн “Whistle” хоёрдугаарт, Карли Рей Жепсений “Call me maybe” гуравдугаарт, “fun.” xамтлагийн “Some nights” дөрөвдүгээрт жагссан байна. Харин Кэти Пэрригийн “Wide awake” дуу 3-5 руу, Шер Ллойдын “Want u back” 5-6 руу уруудсан бол Жастин Биберийн “As long as you love me” дуу 7-14 рүү үсэрчээ.
Өнгөрсөн долоо хоногт Америкт нийт 5.24 сая хувь цомог борлогдож, 24.09 сая дуу татагджээ.
