Хүүхэлдэйн театрын уран бүтээлчид ирэх сарын 1-3-нд үлгэрийн наадам зохион байгуулахаар болжээ. Уг наадмаа театрынхан энтертайнмент хэлбэрээр тавихаар болсон байна. Олон улсын хүүхдийн их наадамд амжилттай оролцоод ирсэн жүжигчид бүх аймгаар аялан тоглолт хийхээр төлөвлөж байгаа аж. Өнгөрсөн жил дэлхийн сонгодог “Ах дүү Гримми”- ийг тавьсан бол энэ жилийн жүжгүүд үлгэр домгоос сэдэвлэн хийж байгаагаараа онцлог гэнэ.
Мөн Хүүхэлдэйн театр энэ жил хүүхдийн урлагийн наадмыг зохион явуулахаар төлөвлөжээ. Уралдаанд шалгарсан хүүхдүүд олон улсын хүүхдийн их наадамд оролцох боломжтой аж.
Н.Нямжаргал
