Universal студийн бүтээл “Цасангоо ба анчин” кино энэ зун нээлтээ хийгээд байсан билээ. Үүний дараахан гол дүрд тоглосон Кристен Стюарт уг кинон дээр хамтран ажилласан найруулагч Руперт Сандерстэй холбоотой гэдэг нь батлагдаж шуугиан тарьсан юм.
Угтаа тус киноны дараагийн ангийг төлөвлөсөн байсан боловч энэ шуугианаас болсон уу, үргэлжлэлийг Цасангоогүйгээр хийхээр болсон тухай эх сурвалж мэдээлжээ.
Найруулагчтайгаа нэр холбогдсоноос болж найз залуу Роберт Паттинсонтой харилцаа нь сүйрснээр Кристен ихэд сэтгэлээр унаж, гадагшаа ч гарахаа больсон гэх.
Цуврал хийж байгаа тохиолдолд кино студиуд гол дүрийн жүжигчнээ солих явдал ховор байдаг ч нэр холбогдсон хоёр хамтарч ажиллахад хэцүү байсан уу, киноны үргэлжлэлийг хийх тохиолдоход Кристенийг оролцуулахгүй гэнэ.
Ц.Мишээл
