Музейн улсын тооллого орон даяар өчигдөр эхэлсэн юм. Монгол Улсад орчин цагийн музей байгуулагдсанаас хойш анх удаа 1936 онд байгууллагын тооллого хийсэн байдаг. Мөн 1969, 1976, 1981, 1993, 1996, 2008 онд нийт долоон удаагийн улсын сан хөмрөгийн тооллого хийгджээ.
2001 оны Соёлын өвийг хамгаалах тухай хуулийн 8.7-д Улсын нэгдсэн бүртгэл-мэдээллийн санд бүртгэгдсэн түүх, соёлын дурсгалт зүйлийн тооллогыг дөрвөн жил тутам соёл, шинжлэх ухааны асуудал эрхэлсэн төрийн захиргааны төв байгууллага зохион байгуулна. Тооллого явуулах журмыг Засгийн газар тогтооно гэж заасны дагуу ээлжит тооллогыг аравдугаар сарын 1-ний дотор явагдаж нэгдсэн дүнгээ гаргана.
Энэ удаагийн тооллогонд улсын төвийн нэг, орон нутгийн 23, байгууллагын гурав, сумдын Орон нутаг судлах 257 танхим, дөрвөн шашны сүм хийд хамрагдана.
Б.БӨРТЭ
