Уран бүтээлч, зураач Х.Заяат, С.Ариунаа нарын хамтарсан "Домог эхлэх цаг" уран бүтээлийн үзэсгэлэнгийн нээлт өчигдөр Монголын урчуудын эвлэлийн хорооны үзэсгэлэнгийн танхимд боллоо. Арьсан урлагийн зураачдын нэг болох Х.Заяат энэ удаагийн үзэсгэлэнд зориулж, эртний сэдэвтэй, монголчуудын мартагдсан тууль домгийг арьс, мод, тосон будгаар илэрхийлсэн нийт 40 бүтээлээ толилуулсан байна. Монголчуудын нүүдэлчин амьдралын илэрхийлэл болсон үхэр тэрэг хөллөсөн өвөрмөц дэглэлттэй үзэсгэлэн наймдугаар сарын 21-нийг хүртэл үргэлжилнэ.
МУЭ-ийн хорооны гишүүн тэрээр СУИС-д 10 гаруй жил багшилж, бие даасан үзэсгэлэнгээ таван удаа гаргасан туршлагатай уран бүтээлч юм. Мөн Герман , Өмнөд Солонгос, Япон, АНУ, Англи, БНХАУ, Франц, ОХУ-д гарсан үзэсгэлэнгүүдэд түүний бүтээлийн дээжис тавигдаж байжээ.
Д.ГЭРЭЛТ
