Испанийн Валенсиа хотоос 80 орчим км-т орших Медитерраниан тэнгисийн Ибиза аралд үзэсгэлэнтэй 28 бүсгүйн зургийг гэрэл зурагчин Брайн Адамс дарсан байна.
Эдгээр бүсгүй бол “Мартини” шоуны шилдэг оролцогчид юм. Дэлхийд алдартай энэхүү брэндийн ивээн тэтгэдэг шоугаар топ модель, шилдэг загвар өмсөгчдийг тодруулдаг. Түүх сөхвөл Чарльз Терон, Николлетти Шеридан болон Моника Беллучи нар уг шоунд оролцож байжээ.
Энэ удаагийн шоунд 23 улсын үзэсгэлэнтэй бүсгүйчүүд шилдгээр шалгараад байгаа. Тэд шоу цэнгээний төв болсон Ибиза аралд зургаа татуулахдаа “Heidi Klein” брэндийн усны хувцас өмссөн байна.
Брайн Адамс хэлэхдээ “Үзэсгэлэнтэй бүсгүйчүүдийн зургийг дарна гэдэг сайхан ажил. Гэхдээ тэднийг өөр өөрсдийг нь илэрхийлэхэд надад мэргэжлийн хүн шаардлагатай” гэжээ. Түүнд “Bazaar” сэтгүүлийн урлаг, соёлын албаны дарга Том Ашер тусалснаар шилдэг 28 бүсгүйг илүү гайхалтай харагдуулсан гэнэ.
Ирэх сард “Мартини” шоуны шилдгүүд шалгарах юм. Шүүгчдээр дэлхийн шилдэг 12 загвар зохион бүтээгч ажиллана. Түрүүлсэн бүсгүй 120 мянган фунт стерлинг авахаас гадна томоохон брэндүүдийн сурталчилгаанд тоглох эрхтэй болж, хувцас загварын агентлагуудтай гэрээ байгуулах аж.
