1990-ээд оны үеийн шилдэг boyband “Backstreet Boys” 20 жилийн ойд зориулж, дэлхийг тойрон аялан тоглохоор болжээ. Ирэх дөрөвдүгээр сард 20 нас хүрэх тус хамтлагийнхан ойдоо зориулж, анхны бүрэн бүтэн бүрэлдэхүүнээрээ нэгдэж, дэлхийн өнцөг булан бүр дэх фенүүдтэйгээ уулзахаар болсон байна.
Тэд аялан тоглолтоо ирэх тавдугаар сард Хятадаас эхлүүлэх гэнэ. Ингэхдээ тус улсын Шанхай, Чендү, Гуанжоу, Шензин болон Бээжин хотод тоглох юм байна. Аялан тоглолтын хүрээнд дэлхийн сая сая сонсогчдыг байлдан дагуулж, хит болж байсан уран бүтээлүүдээ хүргэх ажээ.
Хамтлагийн гишүүд 2005 оноос хойш анх удаа шинэхэн цомгоо фэнүүддээ хүргэхээр төлөвлөж байгаа бөгөөд тус цомог нь ирэх дөрөвдүгээр сараас сонсогчдын хүртээл болох юм байна.
Э.АНХТУЯА
