Дэлхийн хөгжмийн ертөнцийн поп дива Бейонсе дэлхийг тойрон аялан тоглолт хийхээр төлөвлөжээ. Хамгийн сүүлд 2009 онд аялан тоглолт хийсэн дуучин бүсгүйн энэ удаагийн тоглолт дэлхийн 20 орныг хамрах гэнэ. Тэрбээр тоглолтоо “Mrs. Carter” /Хатагтай Картер/ хэмээн нэрлэжээ. Бейонсегийн аялан тоглолт ирэх дөрөвдүгээр сарын 15-нд зүүн өмнөд Европийн Серби улсын нийслэл Белград хотоос гараагаа хийх гэнэ. Залгуулаад Лондон, Стокгольм гээд Европын хотуудаар үргэлжлэх ажээ.
Аялан тоглолтын тасалбар ирэх даваа гаригаас эхлэн худалдаанд гарах тухай Бейонсегийн албан ёсны цахим хуудсанд мэдээлсэн байна. Тоглолт ирэх наймдугаар сар хүртэл үргэлжилж, түр завсарласны эцэст есдүгээр сарын 13-нд Бразилийн Рио де Жанейро хотоос дахин үргэлжлэх юм байна.
Э.Анхтуяа
