Хонгконгийн нэрт жүжигчин, кино найруулагч Стивен Чоугийн “Odyssey" инээдмийн кино Хятадын Вox office-т тэргүүлж байгаа гэнэ. Хятадын Кино агентлагийн мэдээлснээр 1994 онд кино сонирхогчдын хүртээл болж байсан “A Chinese Odyssey” цувралын шинэ анги гэж болох уг бүтээл нээлтээ хийснээс хойш хагас сарын дотор л нэг тэрбум юань буюу 159 сая ам.долларын орлого олжээ. Энэ амжилтаараа “Odyssey" Хятадын box office-т 20 өдрийн турш үзэгчдийг байлдан дагуулаад байсан “Lost in Thailand”-ийг хол орхижээ. “Lost in Thailand” нь өнгөрөгч оны арванхоёрдугаар сард үзэгчдийн хүртээл болсноос хойш нийт 1,2 тэрбум юанийн орлого олсон байна."Odyssey" кино өнгөрөгч сарын 10-нд нээлтээ хийсэн бөгөөд үзэгчдийн хүртээл болсон эхний өдрөө л 80 сая юань буюу 12,8 мянган ам.долларын орлого олжээ. Харин Хятадын box office-ийн дээд амжилт 17.07 тэрбум юаний орлого олсон “Transformers III: Dark of the Moon" кино аж. Энэхүү бүтээл 2011 онд үзэгчдийн хүртээл болж байжээ.
