"Гурван охин" хамтлаг сонсогчиддоо давхар давхар бэлэг барихаар бэлдэж байна. Чанартай уран бүтээл тууривахыг илүүд үздэг "Гурван охин" хамтлагийнхан маань 2 жилийн өмнө "Жинхэнэ хайр" нэртэй уран бүтээлийн тоглолтоо 2 өдрийн турш UB palace-ын танхим дүүрэн үзэгчидтэй хийж байсан билээ.
Тоглолтыг үзэж амжаагүй, үзэхийг хүсдэг сонсогчиддоо зориулан тоглолтоо DVD болгон гаргана гэж амлаж байсан бол тэд ийнхүү урт хугацааны дараа амлалтандаа хүрч өнөөдөр DVD-ныхээ хэвлэлтэнд явах гэж байна.
DVD дээр тэдний хамтлаг болон уран бүтээл туурвисанаас хойшхи гаргасан бүх клипнүүд мөн багтах гэнэ. Бүтэн 2 жилийн хугацаанд хүлээсэн сонсогчидын хувьд энэ мэдээ таалагдсан гэдэгт итгэлтэй байна. Дараагийн мэдээ бол тэд 2 дахь бие даасан цомог болох “Hot disco” цомгоо тун удахгүй худалдаанд гаргахаар төлөвлөж байгаа юм байна.
www.URLAG.mn
