“Монгол кино нэгтгэл”, “Absolute pictures”-ийн бүтээл “Төрийн дайсан” кино 3 жилийн өмнө үзэгчдийн хүртээл болсон билээ. Монголын уул уурхайн томоохон ордод шунасан гадаадын компанийг тойрсон асуудлыг тод харуулсан уг бүтээлийн хоёрдугаар анги дэлгэцнээ амилахаар болсон байна.
“Төрийн дайсан” киноны найруулагч П.Дэлгэрбаяраас тодруулахад хоёрдугаар анги ирэх онд үзэгчдийн хүртээл болох аж. Шинэ ангийн жүжигчдийн бүрэлдэхүүнд төдийлөн өөрчлөлт орохгүй байж магадгүй. Тэд жүжигчин М.Мягмартай урт хугацааны хамтын ажиллагааны гэрээтэй гэнэ.2009 онд “Төрийн дайсан” кинонд М.Мягмар, Д.Лхагва, О.Долгор, С.Батчимэг болон бусад жүжигчид тоглож байсэн билээ.
"Ану хатан" кинонд Галдан хааны дүрийг гайхалтай бүтээж СТА цол тэмдгээр өөрийн чадвараа үнэлүүлсэн жүжигчин М.Мягмар "Төрийн дайсан 2" киног ийнхүү амилуулах нь ээ.
www.URLAG.mn
