Дуучин бүсгүй америкийн Х-Фактор шоунд оролцсоноор амьдрал нь эрс өөрчлөгдсөн байна.
Сүүлийн үед Бритни Спирс гэрлэх талаар яаран зарласандаа харамсах болжээ. Хуримаа яаравчлахын тулд түүний сүйт залуу Жейсон Травик санхүүгээс бусад зүйлийг нь зохицуулах асран хамгаалагчийн эрхтэй болсон аж. Мөн ирээдүйн хосууд маань хоорондоо маргалдах нь ихэссэн гэнэ.
“Харанга” хамтлагийн дуучин Х.Лхагвасүрэн, “Хар сарнай” хамтлагийн дуучин С.Амармандах, “Номин талст” хамтлагийн дуучин Т.Дэлгэрмөрөн нарын хамтран гаргасан анхны цомог болох “Мөнх хөх тэнгэр” цомог өнөөдрөөс эхлэн “Hi-Fi Records”-ын хөгжмийн сүлжээ дэлгүүрээр худалдаалагдаж эхэллээ.
Рок попын цөөхөн охидын хамтлагуудын тоонд “Sweetymotion” ахмад охидын хамтлагт зүй ёсоор ордог. Тус хамтлагийн хамгийн хүчирхэг хоолойтой, хамгийн хөөрхөн гэгддэг Сүндэрээ шинэ амьдралаа эхлүүлж байгаа тухай бор шувуу гадуур нисэх болжээ. Америкт долоон жил ажиллаж амьдарч байгаад ирсэн тэдний араас хөл алдах залуус олонтаа. Тус хамтлагийн Сарнай гэрбүлтэй болсон бол Ганболор нь америк найз залуутай гэх үгээр энэ бүхнээс зайгаа барьсан. Харин Сүндэрээ чимээгүйхэн байснаараа эрчүүдийн хайрын үгтэй дуут шуудан, мессеж, сарнай цэцгээр чимсэн хайрын захидалаар “бөмбөгдүүлж” байгаад саяхнаас мөрөөдлийн романтик ханхүүгээ олсон гэнэ шүү. Үерхээд багагүй хугацааг үдэж байгаа хосууд тун удахгүй хуримын тов дуулгах гэнэ лээ.
Чадалтай хоолой, өвөрмөц хувцаслалтаараа өөрийн орон зайг эзэлж, шоу бизнесийн ертөнцөд гялалзаж яваа дуучин Rihanna газар шүргэм урт даашинзаар
гангарчээ. Цэнхэр цэцэгтэй даашинз нь түүнд тунч сайхан зохиожээ.
Польшийн “Залуусын загалмайлсан аян” хэмээх байгууллага наймдугаар сарын 1-нд Варшав хотод хийх гэж буй дуучин Мадоннагийн эсрэг нэгдэж, оршин суугчдын дотроос 43 мянган хүний гарын үсэг цуглуулжээ. Энэхүү концертийг болиулах шаардлага бүхий гарын үсэгтэй хүсэлтийг Варшав хотын захирагчид өгсөн байна.
Драмын сайхан бүсгүйчүүдийн нэг гавъяат жүжигчин У.Уранчимэг жилдээ ганцхан удаа олдох амралтаа жинхэнэ утгаар нь эдлэхийг хүсч байгаа аж. Учир нь тэрбээр “намайг тайван амраагаад өгөөч сэтгүүлчид ээ, битгий утас руу минь залгаж, ярилцлага авах хүсэлт тавиач. Би жилдээ ганцхан удаа олддог зуны амралтаа жинхэнэ утгаар нь сайхан өнгөрүүлмээр байна” хэмээн бухимджээ.
Монголд анх удаа задгай кино театр өчигдөр нээлтээ хийжээ. Үндэсний соёл амралтын хүрээлэнд байрлах задгай кино театр өчигдөр нээлтээ хийн 19.00 цагт “Чинжүү”, “Хэрэв чиний зүүдийг өөр хүмүүс харж болдог бол яах вэ?”, “Паприка” хэмээх японы сэтгэцийн энимэйшн кино нь сэтгэлзүйн эмч нарын шинэ нээлтийн хор уршгийн тухай кинонуудыг хүмүүст үнэ төлбөргүй үзүүлжээ. Задгай талбайн театр цаашид хоёр долоо хоног тутамд нэг сонирхолтой дэлгэцийн бүтээлийг залуучуудад хүргэнэ гэжээ.
“On & Off” продакшны аранжировшик Н.Халиун урлагийнхантай ойр харилцаатай байдгийн хувьд шинэ гарч ирж буй уран бүтээлчдэд сэтгэл дундуур явдаг гэнэ. Шинээр төрөн гарч буй уран бүтээлчид өмнөх үеийнхнийхээ стиль жанрыг л дуурайхаас бус өөрийн гэсэн имиж онцлогоо бүрдүүлэх тал дээр маруухан харагддаг нь түүний сэтгэлийг гонсойлгодог байна. Тэрбээр “Сараа, Ариунаа, Алтаа, Наран гээд урлагийнхан өөр өөрийн гэсэн онцлогтой дуучид. Гэтэл дараачийн үеийнхэн нь тэднийг л дуурайх юм” хэмээдэг аж.
УДБЭТ-ын шинэ хун хэмээн цоллуулж байсан балетчин Б.Саруул хөл хүнд болсноор уран бүтээлээсээ түр завсарлага авахаар болжээ. Тэрбээр өдгөө үзэгчдийн хайртай хун, чадварлаг бүжигчин болж, шинэ үеийн залуу “од” хэмээн нэрлэгдэх болсон юм. Түүний нөхөр гэргийнхээ тоглосон балет бүрийг алгасалгүй үздэг бөгөөд тэд тун удахгүй үрийн зулай үнэрлэх нь.
Аурора хотод болсон аймшигт аллага дэлхий нийтийг цочирдуулсан билээ. Харин өнгөрсөн ням гарагт “Лос Анжелес Таймс” сонин кино үзэгчдийн дунд нэгэн судалгаа явуулжээ. Судалгааны дүнгээс харахад кино театрт кино үзэхээр ирсэн таван хүн тутмын нэг нь Бэтманы шинэ цуврал “The Dark Knight Rises” киног үзэхээс айж байгаа гэнэ. Тус кино гарснаас хойш хоёр дахь долоо хоногтоо АНУ болон Канадын кино чартуудад дээгүүр байр эзлэж байгаа боловч үзэгчдийн тавны нэг нь энэ киног үзэхээс эмээх болсон байна.
