Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
Урлаг.мн»Мэдээ»Төр нийгмийн нэрт зүтгэлтэн Жамбын Батмөнхийн мэндэлсний 99 жилийн ой тохиож байна
Мэдээ

Төр нийгмийн нэрт зүтгэлтэн Жамбын Батмөнхийн мэндэлсний 99 жилийн ой тохиож байна

Урлаг Урлаг10/03/2025Шинэчлэгдсэн:10/03/2025Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл
Төр нийгмийн нэрт зүтгэлтэн Жамбын Батмөнхийн мэндэлсний 99 жилийн ой өнөөдөр тохиож байна. Тэрбээр 1926 оны энэ өдөр буюу гуравдугаар сарын 10-нд Увс аймгийн Хяргас суманд мэндэлжээ.
БНМАУ-ын Сайд нарын Зөвлөлийн дарга, Ардын Их Хурлын Тэргүүлэгчдийн дарга, Намын Төв Хорооны Ерөнхий нарийн бичгийн даргаар ажиллаж байсан Жамбын Батмөнх нь 1951 онд МУИС-ийг эдийн засагч мэргэжлээр, 1961 онд ЗХУКН-ын Төв Хорооны дэргэдэх Нийгмийн Ухааны Академийг төгсөж, эдийн засгийн ухааны дэд эрдэмтний зэрэг хамгаалсан. Олон жил их, дээд сургуульд багш, орлогч захирал, захирлын алба хашихдаа дээд боловсролын тогтолцоог төлөвшүүлэх, сургалт, эрдэм шинжилгээний ажлыг боловсронгуй болгоход томоохон хувь нэмэр оруулсан профессор хүн юм.
Ж.Батмөнх 1974-1984 онд Засгийн газрын тэргүүнээр ажиллахдаа үйлдвэрлэлийн үр ашиг чанарыг дээшлүүлэх, төлөвлөлт, удирдлага, материаллаг урамшууллын шинэ системийн үзэл баримтлалыг боловсронгуй болгож, улс ардын аж ахуйн салбаруудад нэвтрүүлэхэд ихээхэн хүчин чармайлт гаргасан. Түүнийг Сайд нарын Зөвлөлийн дарга байх үед манай улс социалист орнуудын хамт “Интеркосмос” программын дагуу сансрын огторгуйг энх тайвны зорилгоор шинжлэн ашиглахад идэвхтэй оролцож, Монгол улсын иргэн Ж.Гүррагчаа сансарт нисэж байжээ.
Ж.Батмөнх нь 1984 онд нам, төрийн тэргүүн болмогц тухайн цаг үе, дэлхийн дахины хөгжлийн хандлага, түүний дотор Монголд ноёрхож байсан дэглэмийн явуургүйг аажмаар ойлгон ухаарч, 1980-аад оны хоёрдугаар хагасаас улс төрийн шинэ сэтгэлгээ, олон ургалч үзэл,ил тод байдал, хүний хүчин зүйлийг идэвхжүүлэх, өөрчлөлт шинэчлэл, ардчиллыг хөгжүүлэх шинэлэг үзэл санааг нам, төрийн бодлого болгон дэвшүүлж байсан юм.
Ардчиллын шинэ давлагаа хүчтэй болж, 1990 оны 3 дугаар сарын 7-нд ардчилсан хүчний төлөөлөгчид улс төрийн өлсгөлөн зарлав. Тэд МАХН-ын Төв Хорооны Улс төрийн Товчоог бүрэн бүрэлдэхүүнээрээ огцрохыг шаардахад Ж.Батмөнх уг асуудалд ул суурьтай нухацтай хандаж, “Хүч хэрэглэж хэрхэвч болохгүй” хэмээх хатуу зарчим баримтлан, хэлэлцээрийн ширээнд сууж зөвшилцөлд хүрч байжээ. 1990 оны 3 дугаар сарын 12-нд болсон МАХН-ын Төв Хорооны бүгд хурлаар уг асуудлыг хэлэлцүүлэн МАХН-ын Төв Хорооны Улс төрийн Товчоо бүрэн бүрэлдэхүүнээрээ огцров. Ж.Батмөнхийг АИХ-ын Тэргүүлэгчдийн даргаар үргэлжлүүлэн ажиллахыг санал болгоход хүлээж авалгүй өндөр насныхаа тэтгэвэрт гарсан байна.
Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Мэдээ Урлаг

Ардын жүжигчин Г.Түмэндэмбэрэл агсны гэрэлт хөшөөг “Ойрад” театрын гадаа сүндэрлүүллээ

28/07/2025
Мэдээ Урлаг

Бүгд найрамдах Тажикистан улсад “Монголын соёлын өдрүүд”-ийг зохион байгууллаа

28/07/2025
Мэдээ Урлаг

Олон улсын биологийн олимпиадаас Монголын баг медаль хүртлээ

28/07/2025

Сэтгэгдэл хаалттай

Сүүлд нэмэгдсэн

Бейонсегийн аялан тоглолтын үеэр “Destiny’s child” хамтлаг эргэн нэгдлээ

28/07/2025

“Astronomer” компани шинэ сурталчилгаандаа “Coldplay” хамтлагийн дуучны экс гэргий Гвинет Пэлтроуг ашиглажээ

28/07/2025

Маршал Ю.Цэдэнбалын дурсгалын үзэсгэлэнг нээжээ

28/07/2025

Ардын жүжигчин Г.Түмэндэмбэрэл агсны гэрэлт хөшөөг “Ойрад” театрын гадаа сүндэрлүүллээ

28/07/2025

Жүжигчин, найруулагч Б.Амарсайханы дараагийн уран бүтээл “Шалз” хэмээх нэртэй

28/07/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.