“Гурван охин” хамтлагийн Г.Анхмаатай гэр бүл болж, хөөрхөн охинтой болсон Г.Билэгжаргал шинэ хүнээ асрахын зэрэгцээ кино найруулсан шиг өдөр хоногийг тун завгүй өнгөрүүлж байгаа гэнэ.
Тэрбээр өмнө нь “Луйврын хот”, “Франц үнсэлт”, “Сая километр”, “Ийм нэгэн дурлал” зэрэг кинонд тоглож байсан авьяаслаг жүжигчин бол энэ удаад найруулагч болохоор шийдсэн бололтой.
Испанийн дотоод хэргийн сайдын мэдээлснээр тус улсын нэрт зураач, уран барималч Пабло Пикассогийн бүтээлийг хулгайлах гэж байсан дөрвөн этгээдийг баривчилжээ. Гэмт этгээдүүдийн гарт орох гэж байсан уг зураг нь 1.2 сая евро буюу 1.5 сая ам.үнэтэй тосон будгийн бүтээл байжээ. Албаныхны мэдээлснээр “The best of Jeune garcon” нэртэй уг зураг нь Пикассогийн 1964 онд зурсан зураг гэнэ. Гэвч уг зургийг нэрт зураачийн зурсан жинхэнэ хувилбар, эсвэл хуурамч эсэхийг Испанийн урлагийн музейн ажилтнууд болоод бусад албаныхан нягтлан шалгаж байгаа юм байна.
Үндэсний дуу бүжгийн эрдмийн чуулгын урилгаар БНСУ-ын Үндэсний театрынхан манай оронд ирэхээр болжээ. Тус театрын захирал, найруулагч, хөгжимчид зэрэг олон улсад алдартай 12 уран бүтээлч ирэх сарын 6-нд Монголд хөл тавих бөгөөд 10-нд “Тал хээрийн Ариран” тоглолтоо хийхээр төлөвлөсөн байна. Солонгосын соёл урлагийн ертөнцийн гайхамшгаас монголын үзэгчдэд сонирхуулахаар зэхэж буй уран бүтээлчид үндэсний болон орчин үеийн хөгжим, бүжгийн хөтөлбөрүүдээс гадна багахан хэмжээний үзэсгэлэн зохион байгуулах гэнэ. Үүгээр ч зогсохгүй, ҮДБЭЧ-ын уран бүтээлчидтэй хамтарч ажиллах төлөвлөгөөний хүрээнд олон сонирхолтой арга хэмжээ, шоу тоглолт хийхээр болсон байна
Сүүлийн үед урлаг соёлын одод балет бүжиглэх хоббитой болжээ. Мэдээж хэрэг, тэд алдарт “Хунт нуур”, “Шёлкунчик” зэрэг бүжгэн жүжгийн гол дүрд тоглох гээгүй.
Зүгээр л бие галбираа хөгжүүлэн, сэтгэлийн амар амгалан хийгээд урлагийн гоо зүйг мэдрэх гэсэндээ тэр гэнэ. Фитнесс, усан бассейн, аэробек, бүжгийн дугуйлан, зөв хооллолтын клуб, бясалгалын төв гэх мэт олон газраар хэсээд залхсан бололтой дог.
Хамтлагийнхаа залгамж халааг бэлтгэх гээд реалити шоу зохион байгуулж буй “Камертон”-чууд дуулгах сонин ихтэй явна. Тэд авьяаслаг охид залуусыг сонгон шалгаруулахын сацуу уран бүтээлийнхээ үүх түүхийг сонирхуулж, хамтарч ажиллаж байсан шилдэг уран бүтээлчдээ танилцуулах болсон. Харин энэ үеэр хамтлагийн гишүүн Б.Эрдэнбат буюу Эба нэгэн нууц задалсан нь залуусын анхаарлыг татжээ.
Монголын төдийгүй дэлхийн урлагийн мэдээ мэдээллийг цаг алдалгүй, үнэн бодитоор нь уншигч түмэндээ хүргэж байдаг www.urlag.mn сайт шинэчлэгдэж олон гайхалтай мэдээ мэдээллүүдээр баазаа бүрдүүлсэн байгаа билээ. Тухайн мэдээллүүдээсээ онцгойлон танилцуулах мэдээлэл гэвэл Монголын бүх цаг үеийн хамтлаг дуучдын 2000 гаруй дууг шүлэг, клиптэйн сайтдаа байрлуулсан байна. Үнэхээр уншигчдад урлагийн бүх төрлийн мэдээ мэдээллийг дэлгэрэнгүй хүргэх зорилготой www.urlag.mn сайтын хамт олны уншигчдад хүргэж буй дээрхи мэдээлэл нь дууны урлагийг уншигчдад ойртуулж буй гайхалтай мэдээлэл болж чадсан байна. Ийнхүү уншигч та хүссэн дуугаа нэрээр нь хайлгаад клипийн үзэж шүлгийн сурах боломжтой юм байна.
Алдарт дуучин Лэди Гага кино урлагт хүч үзэхээр шийджээ. Тэрбээр “Machete kills” хэмээх кинонд анх удаа тоглох гэж байгаа тухайгаа өөрийн фэйсбүүк хуудсандаа бичиж, зурагт постерын хамт оруулжээ. Этгээд хувцаслалт, өвөрмөц хоолойгоороо дэлхийн сая сая үзэгчдийг байлдан дагуулдаг тэрбээр энэ удаад La Chameleon хэмээх бүсгүйн дүрийг бүтээх бөгөөд түүний хамт гол дүрд жүжигчин Robert Rodriguez тоглох юм байна.
Холливуудын од Аштон Катчер жүжигчин Мила Кунисд 4000 еврогийн үнэтэй гар утасны уут авч өгчээ.
Тэднийг хосууд болсон гэсэн цуу яриа сүүлийн хэдэн сарын турш газар аваад байгаа юм. Харин саяхан папарацууд тэдний үнсэлцэж байгаа зургийг дарснаар цуу яриа үнэн болохыг батлаад өгсөн билээ. Тэд “Галзуу 16 настнууд” телевизийн цуврал шоунд хамтран тоглож байсан бөгөөд түүнээс хойш найзууд болсон аж. Харин ажиглагчид тэднийг аль хэдийн хамтран амьдраад эхэлсэн гэж үзэж байгаа юм.
“Vanquish” хамтлагийн Реппер Цэцэ “Бороонд норсон дусал” нэртэй шинэ цомгийн ажилдаа орсон гэнэ. Энэхүү цомог дээр нь түүнтэй “TJ” энтертайнментийн уран бүтээлчид хамтран ажиллаж байгаа бөгөөд цомогт олон уран бүтээлчидтэй хамтарсан дуунууд нь багтаж байгаа аж. Энэхүү цомог ирэх наймдугаар сарын сүүлчээр бэлэн болох юм байна.
Олон уран бүтээлчид энэ зуныг зөвхөн уран бүтээл хийхийг чухалчилж харин намраас олон нийтэд хүргэхээр зэхэж байна. Харин тэдний нэг бол Монголын анхны beatbox хамтлаг болох “Royal Beat Crew” юм. Тус хамтлагийнхан анхны бие даасан цомгоо ирэх есдүгээр сард гаргахаар зэхэж байгаа юм байна. Тэд энэхүү цомгоо “No instruments” гэж нэрлэх бөгөөд цомогт багтсан уран бүтээлүүд нь ямар ч хөгжмийн зэмсэг ашиглаагүй зөвхөн өөрсдөө 100 хувь аялгуу болоод beat-ээ хийсэн байх гэнэ. Энэ ч үүднээс цомгоо ийн нэрийджээ.
