АНУ-ын Нью-Йорк хотноо болсон “Creshendo international music competition” уралдааны мэргэжлийн ангилалд Монгол Улсын Консерваторийн сурагч Баасаннямын Анунгоо тэргүүн байр, Гансүхийн Тэнгис тэргүүн байр, Буяндалайн Ирмүүнбилиг тэргүүн байр, Наранбаатарын Минжмаа дэд байр эзэлжээ.
Энэ удаагийн уралдаанд Монгол Улсаас өмнөх жилүүдийнхээс олон сурагч оролцож Ж.Чулууны “Вариаци“, Б.Дамдинсүрэнгийн “Хэнтийн өндөр ууланд”, Г.Алтанхуягийн “Концертын аяз”, Э.Чойдогийн “Аялгуу” зэрэг монгол зохиолуудыг “Карнеги холл”-ын тайзнаа толилуулсан байна. Уралдаанд утсан хөгжмийн тэнхимийн багш Б.Энх-Амгалан шавь нараа бэлтгэн ийнхүү амжилттай оролцжээ.
Мөн Үндэсний хөгжмийн тэнхимийн 12 дугаар ангийн сурагч С.Ариунтөгс нэгдүгээр байрт шалгарсан байна. Уралдаанд түүнийг Үндэсний хөгжмийн тэнхимийн багш С.Нарантуяа, концертмейстр багш Э.Отгончимэг нар бэлтгэжээ.
