Ангилал: Нийгэм

Хөгжмийн зохиолч, төгөлдөр хуурч, Sweetymotion” хамтлагийн продюсер Б.Чинбатын шинэ тоглолтын нэрний учрыг фенүүд нь зохион байгуулагчдаас олонтаа асууж байгаа гэнэ. Түүний түүхэн “Аравт” киноны хөгжмөөс бүтэж буй тоглолтын нэр нь “Эзлэн”…

“Өвөг дээдсийн сүнс нь энэхүү хөгжмийг бич хэмээн Чинбаад шивнэсэн ба үзэгчдийн сэтгэл зүрхийг эзэлж, байлдан дагуулахыг бэлгэдэж…хэмээн тоглолтын ТВ сурталчилгаанд өгүүлдэг. Зохион байгуулагчид ийн бэлгэдэж шинэ нэрийг өгчээ. Үнэхээр ч өвгөд дээдсээрээ бахархах, эх түүхээрээ омогших, түүхэн хөгжмийн агуу баялгийг гайхаж, зүрх сэтгэлээ эзлүүлэх “Эзлэн” тоглолт болоход гурав хоног үлдлээ. Тоглолтонд Улсын симфони найрал хөгжим, хоор, Монголын шилдэг ятга, морин хуурын мастерууд оролцож байгаа ажээ:

Хөгжмийн урлагт хайртай, түүнийг ойлгож хүндэтгэдэг Монгол түмэндээ зориулан хөгжмийн зохиолч, төгөлдөр хуурч, Sweetymotion” хамтлагийн продюсер Б.Чинбатын чинь сэтгэл, чамгүй авъяасаараа бүтээсэн түүхэн “Аравт” киноны хөгжмөөс бүтсэн “Эзлэн” хэмээх тоглолт өнөөдөр нээлтээ хийнэ.

Япон, Монгол улсын хооронд дипломат харилцаа тогтоосны 40 жилийн ойн хүрээнд Японы кино өдрүүд” энэ сарын 17-21-ний өдрүүдэд “Өргөө-2″ кино театрт болох гэж байна. Энэхүү арга хэмжээг хоёр улсын төрийн болон төрийн бус байгууллагууд идэвхитэй дэмжиж байгаа бөгөөд цаашдын хамтын ажиллагааг улам бэхжүүлэх зорилгоор энэхүү урлаг соёлын арга хэмжээг зохион байгуулж байгаа ажээ. Соёлын өдрүүдэд Японы кино урлагийн гайхимшигт бүтээлүүдийг үнэ төлбөргүйгээр үзэх боломжтой юм байна.

Дэлхий даяар этгээд сонин бүжиг, элдэвтэй гэмээр дуулалтаараа хэний ч төсөөлөмгүй амжилтад хүрсэн Өмнөд Солонгосын реппер PSY-ын дуулсан “Gangnam Style” дууг онлайнаар 1,2 тэрбум үзсэн тухай NBC мэдээлжээ. “Youtube” сайтын үзэгчдийн тоогоор Гиннесийн дээд амжилт тогтоосон энэ дуу Карли Рей Жексоны “Call Me Maybe” дууны 998 сая хүн үзсэн амжилтыг хэдийнэ давж, бас нэгэн дээд амжилт тогтоосон нь энэ юм.

Домогт дуучин Уитни Хьюстоны охин Бобби Кристина Браун өргөмөл ах Ник Гордонтой гэр бүл болохоор шийдвэрлэжээ. 19 настай бүсгүйн хамаатнууд энэхүү энэхүү хайр сэтгэлийн холбоонд эргэлзэж байна. Бобби Кристина, 22 настай Ник нар Уитни Хьюстоныг эмгэнэлтэйгээр нас барснаас сарын дараа тэдний ойр дотно үерхэл гаарч эхэлжээ. Эхэндээ энэ талаар тэд ямар нэгэн мэдээлэл хийгээгүй боловч олны нүднээс дайжихаа больсон байна. Эдүгээ залуу хосуудын харьцаа дээд цэгтээ хүрсэн тул гэрлэхээр шийдвэрлэжээ. Уитни Хьюстон Ник Гордоны эцэг нь шоронд орж, эх нь хүүгийнхээ талаар анхаарал тавих боломжгүй болсон 12 насанд нь өргөж авсан гэдэг. Тиймээс Ник болон Кристина нар хамтдаа өсчээ.

Сайхан юм, бас нэгэн хамтлаг бий болж уран бүтээлээрээ өрсөлдөж байгаад гүнээ талархан шүүмжээ бичихээр шийдсэн юм. Саяхан “Мөрөөдлийн театр” гэж байгуулагдан А.Вампиловын “Миний нууц хүү” жүжгээр бусадтай өрсөлдөж байсан бол өнөөдөр “ТВ коктейль” хамтлаг түүний араас тодрон гарч хүчтэй өрсөлдөгч болохоо “Хоёр ертөнцийн буудал” жүжгээрээ үзүүлж чадлаа.

Box Office-оос өнгөрсөн долоо хоногт ашиг орлогоороо тэргүүлсэн арван киног танилцуулсан байна. 20-р зуун Fox-ийн бүтээл Америкийн найруулагч Оливер Мегатоны адал явдалт “Taken 2” кино өнгөрсөн долоо хоногт 22.5 сая ам доллараар шилдгүүдийн жагсаалыг тэргүүлсэн байна. Уг кино энэ сарын 3-нд нээлтээ хийж кино театруудаар гарч эхэлсэн бөгөөд нийт 45 сая ам долларын өртгөөр хийгдсэн.

Оскарын шагналт найруулагч Сейм Мендесийн найруулж буй Жеймс Бондын сүүлийн цуврал “Skyfall” бүх цаг үеийн хамгийн төгс хувилбар байх болно гэж кино шүүмжлэгчид найдлага тавьж байна. Британийн Геофри Нейб тэргүүтэй кино шүүмжлэгчид Жеймс Бондын өмнөх цувралууд тухайн цаг үедээ үзэгчдийг байлдан дагуулж, шилдэг нь байж чадсан учраас сүүлийн цуврал нь ч хамгийн төгс байна гэсэн хүлээлтийг бий болгоод байна. Энэхүү хүлээлтэд нөлөөлсөн зүйл нь дуучин Адель “Skyfall”-ийг дуулсан явдал юм хэмээн кино шүүмжлэгчид үзжээ.

Хорин жилийн тайлангаа тавьж, уран хуурыг уяртал татсан “Морин хуурын чуулга”-ын гайхамшигтай тоглолт “Үзэгчид ээ уучлаарай. Нэг зар дуулгая. Дараагийн тоглолт болох хошин урлагийн шоуг үзэхээр ирсэн үзэгчид үүдэнд хүлээж байгаа тул та бүхэн голын хаалгаар гарч, танхимыг чөлөөлнө үү” гэсэн үгээр дуусахад нь жаахан эмзэглэв.

Үнэхээр л яаран сандран үзэгчдийн танхимаас гартал үүдэнд “Маск”-ын шоуг үзэх гэсэн хүмүүс уурлах нь уурлаж, залхах нь залхаж, цуваа үүсгэн зогсчээ. Үзэгчдийн буруу биш л дээ. СТӨ-ний ч буруу биш. Морин хуурын чуулгын буруу бол бүр ч биш.

Монголын рок поп урлагийн ууган хамтлагийн нэг “Хурд” хамтлагийн соль гитарчин, ая зохиогч Д.Отгонбаяр энэ сарын 12, 13-нд буюу өнөөдөр маргааш хоёр “UB Palace”-д “Чи минь байгаа болохоор” анхны бие даасан тоглолтоо хийх гэж байна. 20 жил “Хурд” хамтлагт уран бүтээлээ хийсэн түүний анхын бие даасан тоглолтын найруулгыг “On&Off” продакшн хийж байгаа юм. Гурван хэсгээс бүрдэх “Хурд”-ын Отгоогийн тоглолтын эхний хэсэгт зууны манлай дуучин Сараа, Ариунаа, Сэрчмаа, Наран, Алтаа, дуучин Б.Дашдондог, “Номин талст”, “Чоно”, “Sweetymotion”, ая зохиогч, төгөлдөр хуурч Чинбаа гээд рок, попын шилдгүүд чуулан, түүний зохиосон хит дууг эгшиглүүлэх бол хоёрдугаар хэсэгт түүний хөгжмийн аяз, зохиолууд уянгалж, харин төгсгөл хэсэгт “Хурд”-ын шилдгийн шилдэг хитүүд үзэгчдийг доргиох нь ээ.