Лос-Анжелесийн прокурорын газар Америкийн нэртэй жүжигчин Линдсей Лоханы үнэт эдлэлийн хулгайд сэжиглэгдэж байсныг баталж чадсангүй.
Лоханы зочилсон гэрийн эзэн өндөр үнэтэй эдлэлээ алдлаа хэмээн цагдаад мэдэгдсэнээр жүжигчин бүсгүйг шалгаж эхэлсэн аж.
Дуучин Жастин Бибер 100 мянган ам.долларын үнэтэй, никель гадаргуу бүхий төмөр хөлөгөө хадгалж, хадгалж хурд хүчийг нь үзэхээр шийджээ. Тэрээр уг машинаа зөвхөн захиалгаар л автомашин үйлдвэрлэдэг “Fisker Karma”-аар бүтээлгэсэн бөгөөд 18 насныхаа төрсөн өдрөөр бэлгэнд авсан юм.
Жастин Бибер машиныхаа тухай “Твиттер”-тээ ийнхүү жиргэжээ “Энэ бол миний унах дуртай хөлөг. “Арьс” нь никель учраас миний сонирхлыг маш их татсан” гэжээ.
“SMP production”-аас Монголд анх удаа регги хөгжмийн “Afro radio reggae show” нэртэй шоу зохион байгуулах гэж байна. Уг арга хэмжээнд “Souljahs” хамтлаг, “Coke’n beat” наадмын тусгай шагналт “Power” хамтлаг болон дуучин Л.Насанбуян нар оролцож, регги урсгалын үе үеийн шилдэг дуунуудаас толилуулах гэнэ. 10 мянган төгрөгийн тасалбартай регги шоуны үеэр DJ Сhin регги урсгалын сэтийг сонирхуулахаар төлөвлөжээ.
48 цаг” богино хэмжээний кино наадам монголд гурав дахь жилдээ болох гэж байна. Тус наадмын бүртгэл хэдийнээ эхэлсэн бөгөөд ирэх есдүгээр сарын 13-н хүртэл үргэлжлэх юм. Харин багууд ирэх сарын 14-нд сугалаа сугалж, сэдвээ сонгоод хоёр өдөрт багтаан уран бүтээлийнхээ ажилд орно. Улмаар ирэх сарын 16-нд оролцогчид бүтээлээ танилцуулж, шүүгчид шилдгийг нь шалгаруулах юм. Уг наадмыг уламжлал ёсоор “Rise pictures” компани, “Монгол фильм” групп хамтран зохион байгуулж байгаа юм.
Сонгодог урлагийн ноён оргил болсон Уильям Шекспирийн алдарт “Гамлет” жүжиг тун удахгүй тайзнаа амилна. Бүх цаг үеийн мэргэжлийн урлагийн шилдгийн шилдэг оргил энэхүү бүтээлээр УДЭТ өвөл цагийн нээлтээ хийх гэж байна.
Эх дэлхий, байгалиа хайрлан дуулах, хадгалан хамгаалах зорилгын дор олон улсын яруу найрагчид нэгдэн ирэх есдүгээр сарын 8-аас 17-ны хооронд онгон байгальд зохиох “Алтан гөрөөс” уншлага, аялал наадам зохион байгуулахаар болжээ. Тус наамдыг манай оронд зохиох бөгөөд олон улсын яруу найрагчид Дорноговь аймгийн Хамрын хийд, Эргэлийн зоо зэрэг байгалийн үзэсгэлэнт газраар аялаж, Заан-Тэрэлжид чуулах юм.
Рианна секси бикинитэй папарацдуулжээ
“Хар хун” киноны гол дүрээрээ “Оскар” гардаж, кино зураг авалтын үеэр жирэмсэн болж, улмаар хүүгээ төрүүлээд жил орчим болж буй жүжигчин бүсгүй Натали Портман Dior-ийн нүүр царай тул рекламны шинэ зураг авалтад оржээ. Гэхдээ энэ удаад цагаан хоолтон Натали Портман өөрийн зарчмаасаа бага зэрэг хазайн, чармай нүцгэлэн зургаа авахуулсан байна. Натали Портман Dior-той өнгөрсөн жил гэрээ байгуулж, эхний зураг авалтад орохдоо нүцгэлэхээс татгалзаж байсан юм. Харин энэ удаад нэртэй брэндийг нүцгэлж сурталчлахаасаа татгалзаагүй ажээ.
Холливудад энэ зун хамгийн их шуугиан тарьсан мэдээлэл бол Кристен Стюарт 26 настай, амжилт бүтээлээр дүүрэн, төрөлхийн царайлаг Роберт Паттинсоныг араар нь тавьсан явдал байлаа. Яах ч аргагүй баримтаар нотлогдсон зүйл. 22 настай Кристен Стюарт 41 настай Руперт Сандерстай амрагийн холбоотой гэдэг нь тодорхой болсон. Сандерс “Цасангоо ба анчин” киноны найруулагч, харин Кристен энэ киноны гол дүрийг бүтээсэн. Гэтэл шуугиант мэдээлэл тарахаас ердөө сарын өмнө Руперт Сандерс өөрийн эхнэр болох 34 настай загвар өмсөгч, жүжигчин Либерти Росст хайраа илчилж байсан билээ. Дашрамд хэлэхэд, Либерти “Цасангоо ба анчин” киноны Цасангоогийн эхэд тоглосон юм. Руперт долоон жилийн турш эхнэртээ гэрлэх санал тавьж чадалгүй өдийг хүргэсэн, хүү охин хоёртоо ухаангүй хайртай тухайгаа ярьж байсан нь саяхан… Нөгөөтэйгүүр, Кристений хийсэн үйлдлийг ч ойлгох арга алга. Холливудын хамгийн атаархам сүйт залуутай хайр дурлалын холбоо үүсгэн ид дундаа явж байсан хэрнээ яагаад гэнэт өөр хүнийг сонирхох болов.
Кантри хөгжим сонирхогч залуусыг гайхалтай авьяас, хөөрхөн царайгаараа байлдан дагуулж буй залуухан дуучин Тэйлор Свифт АНУ-ын улс төрийн элит гэр бүлүүдийн нэг кеннедийнхний үр сад болох Коноор Кеннедитэй болзож эхэлсэн билээ Өдгөө 18 настай Конор нь Ерөнхийлөгч Жон Кеннеди агсан болон сенатч Тед Кеннеди агсны дүү Роберт Кеннедийн 11 хүүхдийн гурав дахь нь болох радиогийн нэвтрүүлэгч бага Роберт Кеннедийн хүү юм байна. Хосууд цаг ямагт олны нүднээс нууцаар зугаалдаг бөгөөд саяхан нэгэн далай эрэг дээр зугаалж явахдаа папарацдуулжээ.
