Монголын хамгийн анхны сүнстэй инээдмийн кино “Параллель ертөнц”
Ангилал: Нийгэм
Шанхайн хамтын ажиллагааны байгууллагын гишүүн болон ажиглагч орнуудын кино урлагийн салбарын хоорондын харилцаа холбоог сайжруулах платформыг бий болгох, кино хамтран бүтээх, чадварлаг уран бүтээлчдийг харилцан солилцох, хил дамнасан кино түгээлт хийх зэрэгт бизнесийн боломж, хамтын ажиллагааг бий болгох зорилготой / SCO Film Festival 2018 / 06-р сарын 03-07–ний өдрүүдэд Хятадын зүүн эргийн зүүн хэсэгт оршдог Шандон мужийн Чиндао хотын Oriental Movie Metropolis Grand Theatre-т зохион байгуулагдах юм.
Монгол Улсын Засгийн газар, Бүгд Найрамдах Энэтхэг Улсын Засгийн газар хооронд “Соёлын салбарт 2015-2018 онд хамтран ажиллах тухай” хөтөлбөрт тусгагдсан арга хэмжээний хэрэгжилтийн хүрээнд Энэтхэгийн үндэсний бүжгийн хамтлаг 2018 оны 03 дугаар сарын 15-18-ны өдрүүдэд Монгол Улсад айлчлан тоглох гэж байна.
ЮНЕСКО-гийн Монголын үндэсний комисс үүсэн байгуулагдсаны 55 жилийн ойг тохиолдуулан 2017 онд ЮНЕСКО-гийн Байгалийн болон Соёлын өвд бүртгүүлсэн Монголын гурван өвийн батламжийг 2018 оны 03 сарын 06-ны өдөр БСШУСЯ, БОЖЯ-нд гардууллаа. Өнгөрсөн онд Дэлхийн байгалийн өвийн жагсаалтад Дорнод аймгийн нутагт орших “Дагуурын Ландшафт”, Соёлын биет бус өвийн жагсаалтад “Уул овоо тахих Монгол зан үйл”-ыг бүртгүүлсэн бол “Данжуурын боржин чулуун гэрэлт хөшөө”-г ЮНЕСКО-гийн “Дэлхийн дурсамж” хөтөлбөрийн Баримтат өвийн жагсаалтад оруулсан юм.
Монголын ард түмэнд тэр дундаа монгол эрчүүдийн дунд 40-н жилийн турш хит болон эгшиглэсэн алдарт “Цэргийн Бодол” дуундаа хүндэтгэл үзүүлж, “Хурд” хамтлаг хүндэтгэлийн тоглолтоо хийхээр болжээ. “Хурд” хамтлагийн уран бүтээлчдийн хамгийн том ах буюу Д.Ганболд тэртээх 1978 онд цэрэгт байхдаа үг, аяыг нь зохиож дуу болгон эгшиглүүлснээс хойш хэдийнээ 40-н жил болжээ.
Удахгүй нээлтээ хийх “Параллель ертөнц” киноны дуу “Стрессний эсрэг дуу”
Москва хотын Засгийн газар, ОХУ-ын Соёлын яамны дэмжлэгээр Гнесины нэрэмжит Оросын хөгжмийн Академийн концертын их танхимд зохион байгуулагдсан Оросын нэрт хөгжмийн зохиолч С.В.Рахманиновын нэрэмжит залуу төгөлдөр хуурчдын олон улсын анхдугаар уралдаанд АНУ, ИБУИНВУ, Сингапур, Монгол, БНХАУ, Болгар, БНСУ зэрэг 10 гаруй улс, Оросын өнцөг булан бүрээс ирсэн нийт 250 гаруй залуу төгөлдөр хуурчид оролцсон бөгөөд тус уралдааны гуравдугаар байрыг эзэлсэн Хөгжим бүжгийн коллежийн гуравдугаар ангийн сурагч О.Нандин, тусгай байрын эзэн З.Амин-Эрдэнэ нарын шагналыг өчигдөр Соёл урлагийн газрын дарга Эрдэнэбат гардууллаа.
“Хөх сувд-2018” мөсний баяр уламжлал ёсоор Хөвсгөл аймгийн Хатгал суманд өнгөрсөн амралтын өдрүүдэд боллоо. 18 дахь жилдээ зохион байгуулагдсан уг баярыг Хөвсгөл аймгийн засаг дарга Л.Ганболд үг хэлж нээснээр мөсний баярын сүлд дуу, бүжгийг тус аймгийн хөгжимт драмын театрын уран бүтээлчид толилуулсан юм. Мөн морин чарганы, цааны, мото спортын парадаар үргэлжлэв. Үүний дараа үзэгчид Хөвсгөл аймгийн мөс урлалын залуучуудын бий болгосон мөсөн гэр, амьтаныг сонирхож, цаатан хотхоноор зочлон, тэдний аж амьдралтай танилцсан юм. Хөвсгөл аймаг гэхээр бараг хамгийн түрүүнд цаатангууд санаанд буудаг болохоор зочид үүнийг илүүд үзэж буй нь илт.
Завхан аймгийн Л.Ванганы нэрэмжит Хөгжимт драмын театрын 60 жилийн ой энэ онд тохиож байна. Монголын төр-нийгэм, шашин-соёлын нэрт зүтгэлтэн, шарын шашны анхны тэргүүн буюу анхдугаар Богд Жавзандамба хутагт Г.Занабазарын амьдралаас сэдэвлэсэн “Өндөр гэгээн” дуулалт жүжгийг тус театрт өнгөрөгч даваа гаригт (2018.03.05) нээлтээ хийлээ. Уг жүжгийг Улсын драмын эрдмийн театрын ерөнхий найруулагч, Төрийн шагналт Н.Наранбаатар найруулжээ. Зохиолыг Төрийн шагналт Ц.Бавуудорж бичсэн бөгөөд монголчууд эв эеийг эрхэмлэж, залуу үеийнхэн монгол ахуй, түүхэн уламжлалаа дээдлэн хадгалж явахыг сургажээ. Хөгжмийн зохиолчоор Урлагийн гавьяат зүтгэлтэн Т.Сэр-Од, ерөнхий зураачаар Улсын драмын эрдмийн театрын зураач Т.Ганхуяг ажилласан байна.
Америкийн Кино академийн дээд шагнал “Оскар”-ын эздийг тодруулах ёслолын ажиллагаа Лос Анжелес хотод болж өндөрлөлөө. Шалгаруулалтын гол төрлүүдэд нэр дэвшсэн бүтээл, ялагчдыг танилцуулж байна. Энэ удаагийн шалгаруулалтын “Гадаад хэл дээрх шилдэг кино” номинацид 92 улсын уран бүтээлчид бүтээлээ ирүүлсэн нь дээд амжилт болжээ. Гильермо Дель Торогийн “Усны хэлбэр” 13 номинацид нэр дэвшсэн бол “Дюнкерк”, “Миссури дэх зарлалын гурван самбар” киноны уран бүтээлчид долоон шагналын эзэн болж бусдыгаа манлайлав.