МБСХ-ны Ерөнхийлөгч Э.Мөнх-Очир Монголд байхгүй буудлагын тийрийг хувийн хөрөнгөөрөө бариулжээ. Бариулаад зогсохгүй холбооныхоо мэдэлд хүлээлгэж өгөх гэнэ. Үгүй, яамай даа, спортын холбоод удирдаж байсан “Бэлтэй” эрчүүдээс хэн нь ийм “зүрх” гаргасан юм бол.
Ангилал: Нийгэм
УИХ-ын гишүүн Д.Гантулгын орон нутаг дахь аян үргэлжилж байна. Тэрээр “Залуу малчдаа дэмжих аян”-ыг санаачлан хэрэгжүүлж УИХ-ын чуулган завсарласан энэ өдрүүдэд хөдөө орон нутагт ажиллаж байна. Монголын морин спорт, залуу уяачдын холбоо зохион байгуулж, Монгол Улсын Их Хурлын Тамгын Газар, Монголын сайтын холбоо, Удирдлагын академийн сонсогч, төгсөгчдийн холбоо, Нийгмийн Ардчилал Монголын Оюутны холбоо, Жи си ай Чайрмон клуб зэрэг байгууллагуудтай хамтран хэрэгжүүлж буй уг аяны хоёр дахь хэсэг Архангай аймгаас өчигдөр эхэллээ. Аймгийн засаг дарга Ц.Мөнхнасан тэргүүтэй холбогдох албаныхантай ажлын уулзалт хийснээр ажлын айлчлал эхэлсэн бол аймгийн төрийн албан хаагчид болон ЕБС-ийн ахлах ангийн сурагчид мөн МУБИС-ийн Архангай аймаг дахь багшийн сургуулийн оюутан залууст тодорхой сэввүүдээр лекц уншиж, сургуулиудын үйл ажиллагаа, орчин нөхцөлтэй танилцаж, санал бодлоо солилцлоо.
БНСУ-ын Намянжү хот, Монгол Улсын нийслэл Улаанбаатар хот хооронд найрамдалт харилцаа тогтоосны 20 жилийн ой энэ онд тохиож байна. Хотууд соёл, урлаг болон бусад салбарт 20 жилийн турш хамтын ажиллагаатай явж ирсэн түүхтэй. Намянжү хотод манай улсын соёл, урлагийг сурталчилсан соёлын хотхон байдаг байна. Уг хотхонд жил бүр монголоос уран бүтээлчид очиж, урлагийн тоглолт хийдэг уламжлалтай аж. Энэ жилийн тоглолтод оролцох уран бүтээлчдийн сонгон шалгаруулалт өнөөдөр СТӨ-нд зохион байгуулагдах гэж байна. Үүнтэй холбоотойгоор Намянжү хот, Улаанбаатар хот болон UBS телевиз гэсэн 3 тал хамтын ажиллагааны гэрээнд гарын үсэг зурлаа.
Улаанбаатар чуулгын уран бүтээлчид үндэсний болон цахилгаан хөгжмийн зэмсгийг хослуулан шинэлэг өнгө төрх бүхий “5 Tones” тоглолтоо 2017 оны 3-р сарын 18-ны өдөр 19:00 цагт өөрийн тайзнаа дахин үзэгч олондоо толилуулахад бэлэн болоод байна.
Х ТҮЦ Продакшны байгуулагдсан цагаас Одоо тоглогдож байгаа “Шилдэгийн шилдэг” тоглолтыг оруулаад нийт тайзны бүтээлүүдийг үзсэн хүмүүсийн тоог үржүүлэн бодвол ойролцоогоор 1.800.000 хүн үзсэн бөгөөд өөрөөр хэлбэл Монгол улсын хүн амын 3/2-нь үзжээ. Аргагүй л хүчирхэг хамтлаг шүү.
Голландын “Армийн музей”-д Чингис хааныг таниулах зорилготой “Чингис хаан морин дэл дээрээс дэлхийг эзэгнэгч” нэртэй үзэсгэлэн нээгджээ. Үзэсгэлэнд Чингис хааны эдэлж хэрэглэж алтан эмээл, хатдын гоёл чимэглэл, торгон хувцаснаас эхлээд баатруудынх нь дайн байлдаанд хэрэглэж байсан зэр зэвсэг зэрэг 200 гаруй үзмэрийг байршуулжээ. Тухайн үзмэрүүдийг Хөх хотоос авч ирсэн бөгөөд Европт анх удаагаа дэлгэгдэж байгаа аж.
Олон улсын эмэгтэйчүүдийн эрхийг хамгаалах өдрийг тохиолдуулан Төв аймгийн Зуунмод хотноо “Миний сайхан ээж-1000″ хүндэтгэлийн цэнгүүн болж өнгөрлөө. Уг арга хэмжээг “Төв аймгийн Залуучуудын холбоо” ТББ болон Зүүний хүчний холбооноос санаачлан аймгийн Засаг Даргын Тамгын газар, Зуунмод сумын ЗДТГ-тай хамтран хоёр дахь жилдээ уламжлал болгон зохион байгуулж байгаа юм. Энэ удаагийн хүндэтгэлийн цэнгүүн Төв аймгийн бүх сумдын ээжүүдийг хамарсан бөгөөд 1300 орчим ээжүүд нэг дор чуулсан нь өмнөх жилийнхээс онцлог байв.
Төрөлхийн авьяас чадвар, нүд гялбам гоо үзэсгэлэн, биеэ авч явах байдал, үлгэр жишээ болохуйц зан араншин зэргийг бүгдийг нь хослуулан яваа бүсгүйчүүдийг “үзэсгэлэнтэй” хэмээн тодотгох болов уу. Тэгвэл та бүхэнд өөрсдийн гэх бүх зүйлсээрээ дэлхийд үнэлэгдэн, үеийн үед дурсагдах гайхалтай байр суурь, нэр хүндийг цогцлоож чадсан хамгийн үзэсгэлэнтэй бүсгүйчүүдийн энэ оны шинэ жагсаалтыг танилцуулъя. Энэхүү жагсаалтыг эрчүүдийн “Esquire” сэтгүүлээс гаргасан байна.
Домогт попын хааны охин Пэрис Жексон загвар өмсөгчийн карьераа эхлүүллээ. Тэрбээр саяхан олон улсын “IMG Models” агентлагтай гэрээ байгуулснаас гадна Жижи ба Белла Хадид нарын хамт “CR Fashion” сэтгүүлийн 10 жилийн ойн баярын дугаарт зураг авахуулсан байна.
“Хэрвээ би шидтэн байсан бол” богино хэмжээний кино наадам дөрөвдүгээр сарын сарын 15-нд болно. Энэхүү наадамд хүүхдийн эрх зөрчигдөх, хүчирхийлэлд өртөх, түүнээс гарах үр нөлөөний талаар олон нийтэд мэдээлэх, түүнээс урьдчилан сэргийлэх, таслан зогсооход хүн бүрийн оролцоо чухал гэдгийг уриалсан, ухаарал өгсөн байдлаар киногоо бүтээх шаардлагатай юм. Нийт 5 сая төгрөгийн шагналын сантай тус наадмын бүртгэл энэ сарын 26 хүртэл үргэлжилнэ. Харин шалгарсан бүтээлүүдийг дөрөвдүгээр сарын 15-нд “Ай Синема” кино театрт гаргаж олны хүртээл болгох гэнэ.