“The Hu” хамтлагийн залуус хэдхэн хоногийн өмнө /2020.02.18/ эх орондоо амрахаар ирсэн талаар мэдээлсэн. Тэгвэл тэд өнөөдөр бас нэгэн ээлжит аялалдаа гарахаар эх орноосоо мордлоо. Энэ удаа Малайз, Индонез, Япон, Австрали, Шинэ Зеланд, Аргентин, Бразиль, Чили улсуудад хөгжмийн наадмуудад оролцож, бие даасан тоглолт хийхээр төлөвлөжээ. Мөн АНУ-ын 30 гаруй хотод дахин болон шинээр тоглолтоо хийх юм байна.
Ангилал: Уртын дуу
Дорноговь аймгийн Сайншанд хотод 3D кино театр ашиглалтад ороход бэлэн болжээ. Тус кино театрт кофе шоп, автомат тоглоом, үйлчилгээний заал бүхий 98 хүний суудалтай аж. Үүдэнд нь Аймгийн Цагдаагийн газрын хамт олон хаягдал машин, мотоцикл, ахуйн хаягдлаар Трансформерсын дүрийг бүтээн байрлуулжээ.
Улаанбаатар Хотын Музейг засах “УБ музей төсөл”-ийн хүрээнд засварын ажил эхлээд байгаа бөгөөд төлөвлөгөө ёсоор ирэх сарын 2-ны өдөр дуусна. Гэвч музейн том танхимын засварын зардлын нийт төсвийг бүрдүүлэхэд 4,753,838 төгрөг дутаж байгаа тул Улаанбаатар хотынхоо түүх, соёлын өвийг хадгалж үлдэх ажилд оролцон хандивын аянд нэгдэхийг иргэдээс хүслээ.
Монгол Улсын Засгийн газраас “Соёлын биет бус өвийг үндэсний болон дэлхийн хэмжээнд сурталчлан алдаршуулах, түгээн дэлгэрүүлэхэд онцгой хувь нэмэр оруулсан өвлөн уламжлагчид мөнгөн шагнал олгох журам”-ыг баталж, хоёр дахь жилдээ шилдэг өвлөн уламжлагчийг шалгаруулан урамшууллаа. Энэ жил 21 аймаг, нийслэлээс нийт 21 өвлөн уламжлагч нэр дэвшсэнээс туульч А.Балдандорж шалгарч, өвлийн адаг сарын шинийн 25-ны билигт сайн өдөр Монгол Улсын Ерөнхий сайд У.Хүрэлсүхээс хүндэт өргөмжлөл, 30,0 сая төгрөгийн шагналыг гардлаа.
Өмнөд Солонгосын поп хамтлаг BTS удахгүй болох тоглолтуудыг нь үзэхгүй байж, өөрсдийгөө халдвараас сэргийлэхийг шүтэн бишрэгчдээсээ хүсчээ. Тус хамтлаг энэ долоо хоногт сүүлд хийсэн “Map of the soul: 7” цомгийн нээлтдээ зориулан Сөүлд хэд хэдэн телевизийн шоу тоглолт зохион байгуулах гэж байгаа билээ.
“Аглуу энтертаймент”, “Nomadiа Pictures”-ийн хамтын бүтээл “Аавын дээл”, “Супер цагдаа” бүтээл өчигдөр /2020.02.20/ Univision, DDISH, LOOK TV-д байршлаа. Тус уран бүтээлд Гавьяат жүжигчин Г.Мэндбаяр, Г.Золбоот, жүжигчин Б.Навчаа, Ш.Жавхлан, Г.Алтаншагай, Д.Түвшинтөр зэрэг олон уран бүтээлч оролцон тогложээ.
Монголын “Angels” циркийн “Nomade” шоуны уран бүтээлчид Европын орнуудаар гурван сар аялан тоглолт хийснийхээ дараа эх орондоо харилаа. Тус циркийн менежер, ерөнхий найруулагч Б.Оргилболд сэтгүүлчдэд “Энэ жил Францын Cirque Phenix цирк 20 жилийн ойгоо тэмдэглэж байгаа. Энэ 20 жилд Монголын циркчдийн тоглолт хамгийн олон үзэгчтэй байсан гэсэн. Нийт 400 мянган хүн үзсэн. Энэ бол монгол циркчдийн хувьд нэр төрийн хэрэг юм” гэж хэлсэн байна.
Монгол Улсын Ерөнхий сайдын дэмжлэгээр 2020 оны 02 дугаар сарын 22-29-ний хооронд үндэсний өв соёл, түүх, уламжлал, эх…
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 29 дугаар зүйлийн 29.2, Нийтээр тэмдэглэх баярын болон тэмдэглэлт өдрүүдийн тухай хуулийн 4 дүгээр зүйлийн 4.1.6 дахь заалтыг тус тус үндэслэн, Олон Улсын Хүүхдийн эрхийг хамгаалах өдрийг тэмдэглэн өнгөрүүлэх ажлын хүрээнд нийслэлийн иргэд, хүүхэд багачуудад зориулан зохион байгуулах “Монгол хүүхдүүд” сэдэвт тоглолтын хөтөлбөр, найруулгын төслийн нээлттэй сонгон шалгаруулалт зарлагдлаа.
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 29 дугаар зүйлийн 29.2, Нийтээр тэмдэглэх баярын болон тэмдэглэлт өдрүүдийн тухай хуулийн 4 дүгээр зүйлийн 4.1.1 дэх заалтыг тус тус үндэслэн, Үндэсний их баяр наадам, Тулгар төрийн 2229, Их Монгол Улс байгуулагдсаны 814 жил, Ардын хувьсгалын 99 жилийн ойн хүрээнд нийслэлийн иргэдэд зориулан зохион байгуулах “Улаанбаатарын Үдэш” шоу тоглолтын хөтөлбөр, найруулгын төслийн нээлттэй сонгон шалгаруулалт зарлагдлаа.