АНУ-ын Пуэрто Рикод зохион байгуулагдаж буй "Дэлхийн мисс-2021" тэмцээнд Монгол Улсаа төлөөлөн оролцож буй мисс А.Бөртэ-Үжин “авьяас” шалгаруулалтын шилдэг 27 миссийн нэгээр шалгарчээ. Уран нугаралтаар олон жил тууштай хичээллэсэн тэрээр үндэсний өв соёлоо тээн ийнхүү дэлхийн тайзнаа гайхагдаж явна. Энэ удаагийн дэлхийн миссийн тэмцээнд 130 гаруй орны миссүүдийн дунд өрнөсөн “Авъяас” шалгаруулалтад шилдэг 27 оролцогч тодроод байгаа бөгөөд тун удахгүй тус шалгаруулалтын шилдгүүд тодрох ажээ.
Түүнчлэн А.Бөртэ-Үжин маань дэлхийн миссийн тэмцээний “Mobstar” дээр олон нийтийн санал асуулгын шилдэг 12-т явж байгаа баяртай мэдээ байна. Ийнхүү монголчууд бид эв нэгдэлтэйгээр нэгнээ дэмжвэл ямар хүчтэй ард түмэн гэдгээ дэлхийд харуулцгааж, үндэсний оролцогч, өв соёлоо өвлөн тээгч А.Бөртэ-Үжингээ дэмжицгээе. Уншигч та дараах байдлаар өөрийн орны оролцогчоо дэмжих боломжтой.
1. Гар утсандаа Mobstar app татаж, суулгах
2. Gmail, эсвэл фэйсбүүк хаягаараа нэвтэрч орох
3. Search- people хэсгээс Burteujin Anu гэж хайх
4. Оруулсан зураг бүрт од дарахад л болно.
