Олон улсын хүүхдийн “Найрамдал” цогцолбороос санаачлан зохион байгуулдаг улс үндэстний хүүхэд, багачуудыг урлагийн хөтөлбөрөөр нэгтгэж, ардын өв уламжлал, соёлын өвөө дээдлэн түгээн дэлгэрүүлэх, соёлын солилцоог өргөтгөх, түүгээр бахархах үзлийг төлөвшүүлэх зорилго бүхий “Мөнгөн хараацай” олон улсын хүүхдийн урлагийн наадам VIII ээлжийн үеэр зохион байгуулагдлаа. Хүүхдийн дуу хуурын ордон болсон “Хараацай” театрын их танхимд үндэсний хувцсаараа гоёсон орон орны бяцхан үрс инээд хөөр, баяр баяслын дор үндэсний дуу, хуур, хөгжим, бүжгээ толилуулан урлагийн наадамдаа амжилттай оролцсон юм.
Ангилал: Уртын дуу
Тайваний олон нийтийн телевизээс зохион байгуулж буй “Ес дэхь удаагийн Тайваний Олон улсын хүүхдийн кино урлагийн фестиваль” (Taiwan International Children’s Film Festival, TICFF) есдүгээр сарын 6-ныг хүртэл онлайнаар оролцогчдын хүсэлтийг хүлээн авч байна. Тус тэмцээний төрөлд оролцсон кино бүтээл тус бүр дээд тал нь 3.500 ам.долларын шагнал хүртэх боломжтой аж.
Ирэх наймдугаар сарын 9-11-ний хооронд Дундговь аймаг, “Их газрын чулуу”-ны Задгай театрт болох “Уяхан замбуу тивийн наран” урлагийн их наадмыг зохион байгуулахаар болжээ. “Уяхан замбуу тивийн наран” урлагийн их наадмын ерөнхий зураачаар Монгол Улсын соёлын гавьяат зүтгэлтэн, зураач П.Цэгмид, ерөнхий найруулагчаар Монгол Улсын Урлагийн гавьяат зүтгэлтэн, Төв халхын дуулалт жүжгийн театрын дарга Д.Доржсүрэн тус тус ажиллаж байна.
Жил бүрийн наймдугаар сард Швейцарь улсад зохион байгуулагддаг Локарногийн олон улсын кино наадам ирэх сарын 7-17-ны хооронд болох гэж байна. 1946 оноос хойш зохион байгуулагдсан тус наадам энэ удаа 72 дахь жилийнхээ түүхийг бүтээж байгаа юм. Наадмын шилдгийн шилдэг бүтээлд “алтан арслан” цомыг гардуулдаг уламжлалтай.
“Монгол, Солонгос улсын соёлын өвийн салбар дахь хамтын ажиллагааг чадавхжуулах нь” уулзалт-семинар энэ сарын 22-ны өдөр Монгол уран зургийн галерейн хурлын танхимд боллоо. Монгол Улсын Боловсрол, Соёл Шинжлэх Ухаан, Спортын яам Солонгосын Соёлын өвийн сан, Монголын Соёлын өвийн үндэсний төв хамтарч уг арга хэмжээг зохион байгуулжээ.
Музейн боловсролын ажил, соёлын бүтээлч үйлдвэрлэл, музейн мэргэжил-арга зүй болон үзмэр цуглуулгын судалгааны ажлаар тус музейгээс эрхлэн хэвлүүлдэг “Нүүдэлчдийн өв судлал”, “Музей судлал” эрдэм шинжилгээний цуврал, “Музейн мэдээлэл” мэргэжил-арга зүйн сэтгүүлийн ажил болон мерчандайзын гэрээгээр хийгдсэн бэлэг дурсгалын зарим бүтээгдэхүүнтэй танилцав. Мөн 2019 оны есдүгээр сард зохион байгуулах “Музей ба хөгжил” чуулганы бэлтгэл ажил, үйл ажиллагааны талаар санал солилцож чиглэл өгсөн юм.
Домогт “Араатны хаан арслан” хүүхэлдэйн киноны уран сайхын хувилбар долдугаар сарын 19-нд нээлтээ хийлээ. Симба арслангийн түүхийг өгүүлэх энэхүү уран сайхны киноны дууг алдарт дуучин Бейонсе дуулжээ. Тэрбээр мөн Симба арслангийн дотнын найз Нала эрслэнд дуу оруулсан байна.
Дэлхийн рок хөгжмийн ертөнцөд цоо шинэ урсгал бий болгож, дэлхийг шуугиулж буй хамтлаг бол Монголын “Хүннү” рок “The Hu”. Тэдний АНУ-д хийх аялан тоглолтын хуваарь гарч, тасалбар зарагдаж эхэлсэн шөнөдөө Нью-Йорк хотод болох тоглолтын тасалбар дуусчээ. Тэднийг сонсохыг хүссэн сонсогчид билет олдохгүй байна гэж гомдоллож байгаа сурагтай. Мөн АНУ-ын “Whole foods” томоохон сүлжээ их дэлгүүрт “The Hu” хамтлагийн нэртэй шоколад худалдаалж эхэлжээ.
Өмнөд Солонгосын Super Junior хамтлагийн гишүүн Кангин хамтлагаа орхиж буйгаа зарлаад удаагүй байх үеэр хамтлаг Саудын Арабт тоглолтоо хийжээ. Тэдний тоглолт Ойрхи Дорнодод зохион байгуулагдсан K-pop урсгалын анхны тоглолт болсон аж.
Токио 2020 олимпыг угтсан арга хэмжээнүүдийн нэг Олон улсын Дино–экспо үзэсгэлэнд Монголоос олдсон гайхамшгуудын нэг Дэйнохейрус гэх аварга үлэг гүрвэлийн дээжис тэргүүтэй үзмэрүүдийг дэлгэлээ. Олимптой зүйрлэж болохуйц энэхүү томоохон арга хэмжээнд сүүлийн жилүүдэд үлэг гүрвэлийн судалгаагаар хийсэн ололт амжилт, үр дүнгээрээ манлайлж буй АНУ, Япон, Монгол гэсэн гурван улс оролцож байгаа бөгөөд манай улсаас 14 үзмэрийн дээжлэн танилцуулж байгаа аж.