Төрийн шагналт, Ардын уран зохиолч, их эрдэмтэн, зохиолч Ц.Дамдинсүрэнгийн хөшөө Үндэсний цэцэрлэгт хүрээлэнд сүндэрлэлээ. Хөшөөг Монголын урчуудын эвлэлийн хорооны шагналт, барималч А.Очирболд таван метрийн өндөртэйгөөр урлажээ. Ц.Дамдинсүрэн агсны хөшөөний нээлтийн арга хэмжээг өнөөдөр /2019.05.09/ морин цагт эхлүүлэв.
Ангилал: Уртын дуу
Дэлхийд нэрээ цуурайтуулж буй “The Hu” хамтлаг анхныхаа бүрэн хэмжээний тоглолтоо эх орондоо хийх гэж байна. Тэд “Гэрэг” хэмээх анхны рок концертоо тавдугаар сарын 23, 24-ний өдрийн 19.00 цагаас “White Rock” центрт тоглох нь ээ.
ХБНГУ-д жил бүр зохиодог “Норд Арт” Олон улсын дүрслэх урлагийн үзэсгэлэнд манай улсын 23 уран бүтээлч 53 бүтээлээр оролцохоор болжээ. Үзэсгэлэн 21 дэх удаагаа болж байгаа бөгөөд Европт томд тооцогддог. Энэ жилийн “Норд Арт” үзэсгэлэнд манай уран бүтээлчид “Хөрстөд оршихуй: Хүршгүйтэй учрахуй” сэдвийн дор уран зураг, уран баримал, каллиграф, видео арт төрлийн бүтээлээс үзүүлэх юм байна. Соёлын элч, соёл урлагийн менежер О.Оюунтуяа, урлаг судлаач, менежер Ж.Бодьбаатар нар “Норд Арт”-ынхантай нэг баг болж ажиллах аж.
“Яг түүн шиг” шоуны дөрөвдүгээр улирлын эхний дугаар өчигдөр /2019.05.05/ “Боловсрол суваг” телевизээр гарч, ялагчаар дуучин Б.Амархүү шалгарлаа. Энэ удаагийн “Яг түүн шиг” шоу өмнөх улиралд оролцож байсан шилдэг оролцогчид өрсөлдөж буйгаараа онцлог. Тэр утгаараа эхний дугаарт шилдгүүд өөрсдийн өмнө нь хувирч байсан шилдэг оддын дүрээрээ эргэн ирсэн юм.
Дундговь аймгийн Говь-Угтаал сумын нутагт орших алдарт Их Газрын чулуунд ирэх наймдугаар сарын 10-12-нд “Уяхан замбуутивийн наран” ардын урлагийн наадам хийхээр товложээ. Орон нутгийн уран бүтээлчдийн санал санаачилгаар зохиогдох энэхүү наадамд 3000 уртын дууч, морин хуурч оролцох аж.
Засгийн газрын өнөөдрийн хуралдаанаар Байгалийн түүхийн музейг Их тэнгэрийн аманд барих асуудлыг дэмжиж, холбогдох хууль тогтоомжийн хүрээнд газар ашиглуулах гэрээ байгуулан хамтарч ажиллахыг холбогдох хүмүүст даалгажээ. Тус музейн барилгын ажлыг гүйцэтгэхэд шаардлагатай техникийн нөхцөл, зөвшөөрлийг холбогдох хууль, журмын дагуу олгож дэмжлэг үзүүлж ажиллахыг сайд Н.Цэрэнбат, Х.Баделхан, Ц.Даваасүрэн, Нийслэлийн Засаг дарга бөгөөд Улаанбаатар хотын Захирагч С.Амарсайхан нарт үүрэг болголоо.
Холливудын жүжигчин, “Хад асга” хочит Дуэйн Жонсон 47 нас хүрлээ. Тэр бол элдэв танилцуулга хэрэггүй эрхэм. Жонсон америк хөлбөмбөг, мэргэжлийн бөхийн салбарт зүтгэж яваад 2000-аад оны эхээр кино урлагт шилжсэн. Жонсон бол амжилттай яваа эр хүний үлгэр жишээ. Спортын нэгэн адил урлагийн тайзан дээр ч өндөр амжилт олсон түүний 10 дүрэмтэй танилцая.
Жеймс Бондын дүрийг бүтээсэн жүжигчин Дэниел Крейг алдарт тагнуулчийн тухай шинэ кинонд Бондын дүрд эмэгтэй жүжигчин тоглоход татгалзах зүйлгүй гэдгээ мэдэгдлээ. “The Mirror”-д бичсэнээр Крейг “Бонд гэхээр л супер баатар байх албагүй. Нийгэм, цаг үеэ дагаад өөрчлөгдөх ёстой. Хар арьстан Бонд, ижил хүйстэн Бонд ч байж болно” гэж хэлжээ.
“Хануй Филм”-ээс санаачлан “Холливууд Монголд” Олон Улсын кино уран бүтээлчдийн анхдугаар наадам энэ 1-7-ныг хүртэл зохион байгуулагдахаар боллоо. Тус наадмын нээлт энэ мягмар гарагт “Корпорет конвеншин центр”-т нээлтээ хийж Холливудын мэргэжлийн уран бүтээлчид Монголд зочилж байна. Анхдугаар фестивал Монгол Улсын Ерөнхийлөгчийн ивээл дор зохион байгуулагдаж байгаагаараа онцлог юм.
Дуучин Хүрэлээгийн сурагч, сургууль , багшийн алдрыг магтан дуулсан “МӨРӨӨДЛИЙН ЗҮГ” 2 дахь бие даасан тоглолтонд нийт сурагч, багш, үе үеийн төгсөгчид та бүхнийг урьж байна.